Jordan Li ရဲ့ မိန်းကလေးဗားရှင်း နေရာမှာတော့ သရုပ်ဆောင် Landon Thor က ပါဝင်သရုပ်ဆောင်ထားပြီး ယောကျာ်းလေးဗားရှင်း နေရာမှာတော့ သရုပ်ဆောင် Derek Luh က ပါဝင်သရုပ်ဆောင်ထားပါတယ်။ သူကတော့ ယောကျာ်းလေးအဖြစ်ပဲ မွေးလာခဲ့တာဖြစ်ပြီး Compound V ကြောင့် ယခုလို Bi-Gender စွမ်းအားကို ရရှိသွားတာ ဖြစ်ပါတယ်။ တကယ်တော့ Jordan Li ရဲ့ ယောကျာ်းလေးပုံစံနဲ့ မိန်းကလေးပုံစံတို့မှာ မတူညီတဲ့ စွမ်းအားတွေ ရှိပါတယ်။

ဒီအချက်ကိုတော့ Jordan Li နဲ့ Luke တို့ရဲ့ တိုက်ပွဲမှာ မြင်တွေ့နိုင်ပါတယ်။ သူ့ရဲ့ယောကျာ်းလေးပုံစံကတော့ Super Strength နဲ့ Durability တို့ကို ပိုင်ဆိုင်ထားပါတယ်။ ဒါကြောင့်ပဲ Strength နေရာမှာ စွမ်းအားကြီးတဲ့ Luke နဲ့ Sam တို့ကို ထိန်းထားနိုင်တာပါ။ မိန်းကလေးပုံစံမှာတော့ Superhuman Agility ကို ပိုင်ဆိုင်ထားပြီး Energy Blast တွေကိုလည်း ပစ်လွှတ်နိုင်ပါတယ်။

ဒါကြောင့်ပဲ Jordan Li ဟာ Luke နဲ့ တိုက်ခိုက်နေတဲ့ အချိန်မှာတော့ ယောကျာ်းလေးပုံစံကို Defense အနေနဲ့ အသုံးပြုခဲ့ပြီး မိန်းကလေးပုံစံကိုတော့ Attack အနေနဲ့ အသုံးပြုခဲ့တာ ဖြစ်ပါတယ်။ ဒီစွမ်းအားနှစ်ခုကို အချိန်တိတိကျကျနဲ့ ရွေးချယ်မှုမှန်မှန် ပြုလုပ်ပြီး တိုက်ခိုက်တတ်တဲ့ Jordan Li ကတော့ Highly Skilled Supe တစ်ယောက်ပဲ ဖြစ်ပါတယ်။

Gen V ထဲက Supe တွေအကြောင်း ထပ်ပြီးတော့ တင်ပေးသွားဦးမှာ ဖြစ်တာကြောင့် နှစ်သက်ရင်တော့ Like & Share လုပ်ပေးသွားပါဦး။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post Gen V ထဲက Jordan Li ရဲ့ စွမ်းအားဟာ ဘယ်လိုမျိူးလဲ? appeared first on San Yit Wine.

Loki Season 2 ရဲ့ အပိုင်း(၁)ကတော့ မကြာခင်ကပဲ ထွက်ရှိခဲ့ပါတယ်။ ဒီအပိုင်းထဲမှာတော့ Season 1 အဆုံးသတ်က ဖြစ်ရပ်တွေကနေ တိုက်ရိုက် ဆက်ပြထားပါတယ်။ He Who Remains သေဆုံးသွားပြီးနောက်မှာတော့ Sylvie ကလည်း ပျောက်သွားသလို Loki ကလည်း Time-Slipping ဖြစ်နေပြီး အတိတ်၊ ပစ္စပ္ပုန်နဲ့ အနာဂတ်တွေကို ရောက်ရောက်သွားပါတယ်။ ဒါကြောင့်ပဲ ဒီတစ်ခါမှာ‌တော့ အပိုင်း(၁)ထဲက Easter Egg တွေကို ဖော်ပြပေးချင်ပါတယ်။

အပိုင်း(၁)နာမည်ရဲ့အဓိပ္ပာယ်

ဒီအပိုင်းရဲ့ နာမည်ကတော့ Ouroboros ဖြစ်ပြီး သရုပ်ဆောင် Ke Huy Quan ရဲ့ ဇာတ်ကောင်နာမည်လည်း ဖြစ်ပါတယ်။ ဒါပေမယ့်လည်း ဒီနာမည်ဟာ Ke Huy Quan ရဲ့ ဇာတ်ကောင်တစ်ယောက်တည်းကို ဆိုလိုချင်တာတော့ မဟုတ်ပါဘူး။ Ouroboros ဆိုတာကတော့ မြွေတစ်ကောင်က သူ့ရဲ့အမြီးကို ပြန်မျိုနေတဲ့ သင်္ကေတရဲ့အမည်လည်း ဖြစ်ပါတယ်။ ဒီသင်္ကေတရဲ့ အဓိပ္ပာယ်ကတော့ ဖျက်ဆီးခြင်းနဲ့ ပြန်လည်မွေးဖွားခြင်းတို့ရဲ့ အဆုံးမရှိတဲ့ စက်ဝန်းကို ဆိုလိုတာ ဖြစ်ပါတယ်။

ဒါ့အပြင် Norse ဒဏ္ဍာရီထဲမှာဆိုရင် Ouroboros ကို Jormungandr လို့ ဖော်ပြပါတယ်။ Jormungandr ကတော့ အလွန်ကြီးမားလွန်းတာကြောင့် ကမ္ဘာကြီးကိုတောင် ပတ်ထားနိုင်တဲ့ World Serpent ကြီး ဖြစ်ပါတယ်။ ဒါ့အပြင် Jormungandr က သူ့ရဲ့အမြီးကို ကိုက်ထားရာက လွှတ်လိုက်တဲ့အချိန်မှာ Ragn‌arok ဖြစ်လာမယ်လို့ ဆိုပါတယ်။ ဒါတင်မကသေးဘဲ Norse ဒဏ္ဍာရီထဲမှာတော့ Jormungandr ဟာ Loki ရဲ့ ကလေးလည်း ဖြစ်ပါတယ်။

Loki ရဲ့ Time-Slipping နဲ့ Spider-Verse ရဲ့ Glitching

Marvel Studios ဟာ Multiverse အကြောင်းကို ပိုမိုပြသလာတာနဲ့အမျှ စိတ်ဝင်စားစရာတွေကလည်း ပိုတိုးလာပါတယ်။ အသစ်ထွက်ထားတဲ့ Spider-Man Across the Spider-Verse ထဲမှာတော့ ဇာတ်ကောင်တွေဟာ သူတို့နဲ့ မသက်ဆိုင်တဲ့ Universe ကို ရောက်သွားရင် Glitching ဖြစ်နေတာကို တွေ့ခဲ့ရပါတယ်။ ယခု Loki ဟာလည်း TVA ထဲမှာ အတိတ်၊ ပစ္စပ္ပုန်နဲ့ အနာဂတ်တို့ကို တစ်လှည့်စီ ဆွဲယူခံနေရပြီး Time-Slipping ဖြစ်နေတာကို တွေ့ရပါတယ်။ ဒါကြောင့်ပဲ ဒီနှစ်ခုဟာ ဆက်စပ်မှုတွေ ရှိနေနိုင်ပါတယ်။

Moon Knight

ဒီအပိုင်းရဲ့ အစမှာတော့ Loki ဟာ TVA ရဲ့ အတိတ်က Casey နဲ့ တွေ့ဆုံခဲ့ပါတယ်။ အဲဒီအချိန်မှာတော့ Casey ဟာ စိတ်ပိုင်းဆိုင်ရာ Podcast တစ်ခုကို နားထောင်နေပါတယ်။ အဲဒီ Podcast ကတော့ Moon Knight ဇာတ်လမ်းတွဲထဲမှာ Steven Grant နားထောင်နေတဲ့ Podcast နဲ့ တူတူပဲ ဖြစ်ပါတယ်။

X-Men Reference

Loki ၊ O.B ၊ Mobius နဲ့ B-15 တို့ Temporal Loom ထဲကို ဝင်သွားတဲ့ အချိန်မှာတော့ ကင်မရာဟာ အဲဒီအခန်းတံခါးရဲ့ အလယ်တည့်တည့်ကို Zoom ဆွဲပြီး ပြသသွားပါတယ်။ အဲဒီအခန်းမှာတော့ တံခါးရဲ့ပုံစံဟာ X-Men ရုပ်ရှင်တွေထဲက Cerebro ရှိတဲ့ အခန်းတံခါးနဲ့ အတော်လေး ဆင်တူနေတာကို တွေ့ခဲ့ရပါတယ်။ ဒါ့အပြင် MCU ဟာ X-Men တွေကို မကြာခင်မှာ မိတ်ဆက်လာတော့မှာ ဖြစ်ပါတယ်။

Temporal Loom

Norse ဒဏ္ဍာရီထဲမှာတော့ Yggdrasil ဆိုတဲ့ World Tree ရှိပါတယ်။ အဲဒီသစ်ပင်ကြီးဟာ လောကကိုးခုကို အတူပူးတွဲထားပြီး အခြားလောကတွေကိုလည်း ဒီ World Tree ကနေ သွားနိုင်ပါတယ်။ Temporal Loom ဟာလည်း အချိန်စီးဆင်းမှုကို ထိန်းချုပ်ပြီး Physical Timeline အဖြစ် တည်ဆောက်ပေးတာ ဖြစ်ပါတယ်။ ဒါကြောင့်ပဲ ဒီနှစ်ခုဟာ အနည်းငယ် ဆင်တူနေပြီး Loki Season 2 ကတော့ Norse ဒဏ္ဍာရီထဲက အရာပေါင်းများစွာကို Reference အနေနဲ့ ထည့်သွင်းထားပါတယ်။

Loki ရဲ့ Classic Character Trait

ခေါင်းမော့ပြီး ဆံပင်ခါလိုက်တဲ့ အမူအရာဟာ Loki ရဲ့ Classic Character Trait တစ်ခု ဖြစ်ပါတယ်။ ဒီအမူအရာနဲ့ ပတ်သက်ပြီး ပရိသတ်တွေကလည်း အွန်လိုင်းပေါ်မှာ Meme တွေ ပြုလုပ်ကြတဲ့အထိ ရေပန်းစားခဲ့ပါတယ်။ ဒီအပိုင်းထဲမှာလည်း Loki ဟာ Time Slip ဖြစ်သွားတဲ့အချိန်တိုင်းမှာ ဒီ Classic Character Trait ကို ပြုလုပ်နေပါသေးတယ်။

Broxton

ဒီအပိုင်းရဲ့ Credit Scene ထဲမှာတော့ Sylvie ဟာ အချိန်ရဲ့အဆုံးသတ်က ရဲတိုက်ထဲကနေ Oklahoma ပြည်နယ်၊ Broxton မြို့ကို ထွက်လာခဲ့ပါတယ်။ ကောမစ်ထဲမှာတော့ Ragnarok ဖြစ်ရပ်အပြီးမှာ Thor ဟာ Broxton မြို့မှာ Asgard ကို ပြန်လည်တည်ဆောက်ခဲ့ပါတယ်။ MCU ထဲမှာတော့ Thor ဟာ New Asgard ကို Norway မှာ တည်ထောင်ခဲ့ပါတယ်။ ဒီ Credit Scene ကတော့ ကောမစ်ထဲက အဲဒီအချက်ကို Easter Egg ပြုလုပ်ထားတာပါ။

ဒါကတော့ Loki season 2 အပိုင်း(၁)ထဲက စိတ်ဝင်စားစရာအချက်တချို့ ဖြစ်ပါတယ်။ နှစ်သက်ရင် Like & Share လုပ်ပေးသွားပါဦး။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post Loki Season 2 အပိုင်း(၁)ထဲက Easter Egg များနဲ့ စိတ်ဝင်စားစရာများ appeared first on San Yit Wine.

The Boys ရဲ့ Spin-Off ဇာတ်လမ်းတွဲဖြစ်တဲ့ Gen V ကတော့ မကြာသေးခင် ရက်ပိုင်းကပဲ ထွက်ရှိလာခဲ့ပါပြီ။ Amazon Prime ဟာ ဒီဇာတ်လမ်းတွဲရဲ့ ပထမဆုံးသုံးပိုင်းကို တစ်ခါတည်း ထုတ်လွှင့်ပြသပေးခဲ့ပါတယ်။ ဒီဇာတ်လမ်းတွဲထဲမှာတော့ အရာရာပြည့်စုံနေတယ်လို့ ထင်ရတဲ့ Godolkin University မှာ ဘာတွေဖုံးကွယ်ထားလည်းဆိုတာ မြင်တွေ့ရမှာပါ။ ဒါကြောင့်ပဲ Gen V ရဲ့ ပထမဆုံး အပိုင်းသုံးပိုင်းထဲက Easter Egg တွေကို ဖော်ပြပေးချင်ပါတယ်။

The Seven ထဲကို ဝင်ခွင့်ရခဲ့တဲ့ A-Train

အပိုင်း(၁)ရဲ့အစမှာတော့ Gen V ရဲ့ အဓိကဇာတ်ကောင်တစ်ယောက် ဖြစ်တဲ့ Marie Moreau ရဲ့ နောက်ကြောင်းကို ပြသသွားပါတယ်။ အဲဒီအစနေရာမှာပဲ Marie ရဲ့ မိဘတွေဟာ တီဗွီကြည့်နေကြပြီး တီဗွီမှာတော့ A-Train က The Seven အဖွဲ့ကို ဝင်ခွင့်ရတဲ့အကြောင်း လာနေပါတယ်။ A-Train ကတော့ The Seven အဖွဲ့ရဲ့ ပထမဆုံး အာဖရိကန်-အမေရိကန်တစ်ယောက် ဖြစ်ပြီး The Boys Universe ထဲက သာမန်လူတွေအတွက်တော့ ဒါဟာ သမိုင်းတစ်ခုပဲ ဖြစ်ပါတယ်။

တိုင်ပတ်နေတဲ့ Homelander

The Boys Season 3 အဆုံးသတ်မှာတော့ Homelander က ဆန္ဒပြသူတွေကို သတ်ပစ်လိုက်တာ မှတ်မိကြဦးမယ် ထင်ပါတယ်။ Gen V ကတော့ The Boys Season 3 နဲ့ 4 ကြားထဲမှာ ဇာတ်အိမ်တည်ထားပြီး Homelander အကြောင်းကိုလည်း ပြသသွားပါတယ်။ Homelander ရဲ့ လုပ်ရပ်ဟာ လူတွေကြားမှာ ဟိုးလေးတကျော် ဖြစ်နေပြီး သူတကယ်ပဲ တရားစီရင်ခံရတော့မှာလားလို့ တီဗွီမှာ ပြသွားပါတယ်။

Supe Streaming Service

Justine နဲ့ Emma တို့ဟာ သူတို့ရဲ့ Acting Class အတွက် ဘယ်ရုပ်ရှင်ထဲက ဇာတ်ဝင်ခန်းကို ပြန်ပြီးဖန်တီးရမလည်းလို့ ရှာဖွေနေတဲ့အချိန်မှာတော့ Supe Streaming Service ကို တွေ့ခဲ့ရပါတယ်။ ဒါ့အပြင် သူတို့ဟာ The Boys ထဲက စိတ်ကူးယဉ်ဇာတ်ကောင် Termite နဲ့ တကယ့်အပြင်က ဒါရိုက်တာ Bryan Singer တို့ဟာ ပါတီတွေအတူတူပေးလေ့ ရှိတယ်လို့ ပြောသွားပါသေးတယ်။

ဒါရိုက်တာ Bryan Singer ကတော့ X-Men ရုပ်ရှင်တွေ၊ Superman ရုပ်ရှင်တွေကို ရိုက်ကူးခဲ့တဲ့ နာမည်ကြီးဒါရိုက်တာ ဖြစ်ပေမယ့် နောက်ပိုင်းမှာ လိင်ပိုင်းဆိုင်ရာ ကျူးလွန်မှုတွေကြောင့် ဟောလိဝုဒ်ကနေ ပျောက်ကွယ်သွားခဲ့ရပါတယ်။

Godolking University Welcome Video

Marie တစ်ယောက် Godolking University ကို ဝင်ခွင့်ရတဲ့အချိန်မှာတော့ ဒီတက္ကသိုလ်ရဲ့ Welcome Video ကို ပြသသွားပါတယ်။ ဒီဗွီဒီယိုထဲမှာတော့ The Boys ထဲက ဇာတ်ကောင်အများစုဟာ God U ရဲ့ ကျောင်းသား၊ ကျောင်းသူတွေ ဖြစ်ခဲ့ပြီး ထိပ်တန်း Supe တွေကို မွေးထုတ်ပေးနိုင်ခဲ့တယ်လို့ ဆိုပါတယ်။ တက္ကသိုလ်ရဲ့ အပြင်ဘက်မှာလည်း Homelander အပါအဝင် အခြား The Seven အဖွဲ့ဝင်တွေရဲ့ ရုပ်တုတွေ ရှိနေပါသေးတယ်။

The Seven အဖွဲ့ဝင်တွေ မဟုတ်တော့တဲ့ Starlight နဲ့ Queen Maeve

အပိုင်း(၁)ထဲမှာတော့ Professor Brink ဟာ Luke Riordan တစ်ဖြစ်လည်း Golden Boy ကို The Seven အဖွဲ့ထဲ ဝင်ရတော့မယ့်အကြောင်း ပြောပြခဲ့ပါတယ်။ ဒါ့အပြင် နည်းပညာသစ်တွေနဲ့ ပြုလုပ်ထားတဲ့ ဝတ်စုံဒီဇိုင်းကိုလည်း ပြသခဲ့ပြီး Luke အနေနဲ့ စွမ်းအားသုံးတဲ့ အချိန်တိုင်းမှာ အဝတ်အစားတွေ မီးလောင်သွားစရာ မလိုတော့တဲ့အကြောင်းလည်း ပြောသွားပါတယ်။

ပိုပြီးစိတ်ဝင်စားစရာ ကောင်းတာကတော့ Professor Brink ဟာ Queen Maeve ရဲ့ဌာနကို ယူမလား၊ Starlight ရဲ့ဌာနကို ယူမလားလို့ Luke ကို မေးခဲ့တာပါပဲ။ ဒါကြောင့်ပဲ The Boys Season 3 ထဲက အဖြစ်အပျက်တွေ အပြီးမှာတော့ Queen Maeve နဲ့ Starlight တို့ဟာ The Seven အဖွဲ့ဝင်တွေ မဟုတ်တော့တဲ့အကြောင်း ရည်ညွှန်းသွားတယ်လို့ နားလည်ရမှာ ဖြစ်ပါတယ်။

MM ရဲ့ အချစ်တော် Love Sausage

Gen V ဇာတ်လမ်းတွဲဟာ အပိုင်းသုံးပိုင်းပဲ ထွက်သေးပေမယ့်လည်း The Boys ထဲက Cameo များစွာကို မြင်တွေ့ခဲ့ရပါတယ်။ Luke က သူ့ရဲ့ညီ Sam ကို စိတ်ရောဂါကုဆေးရုံမှာ သွားတွေ့တဲ့ အချိန်မှာတော့ အခန်းတံခါးပေါက်တစ်ခုမှာ Love Sausage ရဲ့ အထင်ကရဖြစ်တဲ့ လိင်တံကြီးကို မြင်တွေ့ခဲ့ရပါသေးတယ်။

အခြားသော Cameo များ

Ashley ကတော့ The Boys ဇာတ်လမ်းတွဲက အဓိကဇာတ်ကောင်တစ်ယောက် ဖြစ်ပြီး Homelander ကလွဲရင် ကျန်တဲ့ Supe တွေအများစုအပေါ် ဩဇာရှိသူလည်း ဖြစ်ပါတယ်။ Luke ရဲ့ သေဆုံးမှုအပြီးမှာတော့ Ashley ဟာ Dean Shetty ကို လှမ်းကောနေတဲ့ ဇာတ်ဝင်ခန်းလည်း ပါဝင်ခဲ့ပါတယ်။

Dawn of the Seven ရုပ်ရှင်ရဲ့ ဒါရိုက်တာဖြစ်တဲ့ Adam Bourke ကလည်း God U ရဲ့ Acting Class Teacher အဖြစ် Cameo ပါဝင်ခဲ့ပါသေးတယ်။ ဒါ့အပြင် Supernatural ပရိသတ်တွေရဲ့အချစ်တော် သရုပ်ဆောင် Alexander Calvert ကလည်း Cameo ပါဝင်ခဲ့ပါသေးတယ်။ အသစ်ထွက်လာမယ့် အပိုင်းတွေမှာတော့ Soldier Boy အနေနဲ့ Jensen Ackles က ပါဝင်လာဦးမယ်လို့လည်း ဆိုပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post Gen V ဇာတ်လမ်းတွဲ အပိုင်း(1/2/3)ထဲက Easter Egg များ appeared first on San Yit Wine.

The Exorcist

ဇာတ်လမ်းအစမှာတော့ ဦးထုပ်ဆောင်းထားတဲ့ လူတစ်ယောက်က ခရီးဆောင်အိတ် ကိုင်ထားတာကို ပြသသွားပါတယ်။ ဒါကတော့ ၁၉၇၃ ခုနှစ်မှာ ထွက်ရှိခဲ့တဲ့ Classic Horror ရုပ်ရှင် The Exorcist ရဲ့ ဇာတ်လမ်းအစ ပုံစံအတိုင်း ပြန်လည်ဖန်တီးထားတာပဲ ဖြစ်ပါတယ်။ ဒါကတော့ The Exorcist ရုပ်ရှင်ကို ဂုဏ်ပြုသောအားဖြင့် ရိုက်ကူးထည့်သွင်းထားတာလည်း ဖြစ်ပါတယ်။

The Blair Witch Project

Frenchie ကို မကောင်းဆိုးဝါး ဝင်ပူးနေကြောင်း ပြသွားတဲ့ ဇာတ်ဝင်ခန်းဟာလည်း The Blair Witch Project ထဲက ဇာတ်ဝင်ခန်းကို တိုက်ရိုက် Inspired ယူပြီး ဖန်တီးထားတာ ဖြစ်ပါတယ်။ ကောင်မလေးတစ်ယောက်က Frenchie နားကို ရောက်တဲ့အချိန်မှာတော့ Frenchie ဟာ နံရံကို မျက်နှာမူထားပြီး ထူးဆန်းတဲ့အသံတွေ ထွက်နေပါတယ်။ ဒါဟာ The Blair Witch Project ထဲမှာ Mike က နံရံကို မျက်နှာမူပြီး အလားတူအခြေအနေ ဖြစ်နေတာကို ပြသတဲ့ ဇာတ်ဝင်ခန်းကို အခြေခံပြီး ဖန်တီးထားတာ ဖြစ်ပါတယ်။

Conjuring 2 ထဲက ဇာတ်ဝင်ခန်း

Frenchie ရောက်နေတဲ့ ဘော်ဒါဆောင်က Sophie ဆိုတဲ့ ကောင်မလေးကတော့ Valak နဲ့ မကြာခဏဆိုသလို ထိပ်တိုက်တွေ့ခဲ့ပါတယ်။ ဇာတ်ဝင်ခန်းတစ်ခုမှာတော့ Sophie ဟာ သူ့အမေရဲ့ခေါ်သံကို ကြားလိုက်တာကြောင့် လိုက်ရှာတဲ့အချိန်မှာ သူ့အမေဟာ လူမရှိတဲ့ အပေါ်ထပ်ကို တက်သွားတာ တွေ့လိုက်ပါတယ်။

ဒါကြောင့်ပဲ Sophie ကလည်း အပေါ်ထပ်ကို လိုက်သွားပြီး တံခါးဖွင့်လိုက်ချိန်မှာတော့ လျှောက်လမ်းရဲ့ တစ်ဘက်ခြမ်းမှာ ရှိနေတဲ့ Valak ကို မြင်လိုက်ရပါတယ်။ တကယ်တော့ ဒီဇာတ်ဝင်ခန်းဟာ Conjuring 2 ထဲက Judy နဲ့ Lorraine တို့နှစ်ယောက် Valak နဲ့ ပထမဆုံး ဆုံတွေ့ခဲ့တဲ့ ဇာတ်ဝင်ခန်းကိုပဲ ပြန်လည်အသုံးပြုထားတာ ဖြစ်ပါတယ်။ The Nun 2 ကတော့ Conjuring 2 ထဲက အဖြစ်အပျက်တွေ မတိုင်ခင် ဆယ်နှစ်ကျော်လောက်မှာ ဇာတ်အိမ်တည်ထားတာကြောင့် Valak ဟာ အနာဂတ်မှာ ပြန်လာဦးမယ်ဆိုတာ ကြိုပြထားတယ်လို့လည်း ယူဆနိုင်ပါတယ်။

အတိတ်နဲ့ အနာဂတ်

အတိတ်နဲ့ အနာဂတ်ရဲ့ နောက်ထပ် ဆက်စပ်မှုတစ်ခုကတော့ Sister Irene ဟာ Lorraine Warren ကို သူ့ရဲ့အာရုံထဲမှာ မြင်လိုက်ရတာပါပဲ။ Sister Irene ရဲ့ အာရုံထဲမှာတော့ သူမရဲ့အမေ၊ St. Lucy နဲ့ Lorraine တို့ သုံးယောက်ကို မြင်လိုက်ရတာ ဖြစ်ပါတယ်။ ဒါကြောင့်ပဲ Conjuring Universe ထဲက Sister Irene နဲ့ Lorraine တို့နှစ်ယောက်ဟာ တိုက်ရိုက်ပတ်သက်မှု တစ်စုံတစ်ခု ရှိနေနိုင်ပါတယ်။

ဒီဇာတ်ကောင်နှစ်ယောက်နေရာမှာ ပါဝင်ထားတဲ့ သရုပ်ဆောင် Taissa နဲ့ Vera Farmiga တို့ဟာလည်း အပြင်ဘဝမှာ တကယ့် ညီအစ်မအရင်းတွေ ဖြစ်ပါတယ်။ ဒါကြောင့်လည်း ပရိသတ်တွေကတော့ ဒီဇာတ်ကောင်နှစ်ယောက်ဟာ သေချာပေါက်ကို အမျိူးတော်စပ်ရမယ်လို့ ယူဆနေကြပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post The Nun 2 ရုပ်ရှင်ထဲက Easter Egg များနဲ့ Reference များ appeared first on San Yit Wine.

Inaki Godoy (Monkey D. Luffy)

ကောက်ရိုးဦးထုပ်လူဖီအဖြစ် ပါဝင်ထားတဲ့ Inaki Godoy ကတော့ ၂၀၀၃ ခုနှစ် ဩဂုတ်လ (၂၅)ရက်နေ့မှာ မွေးဖွားခဲ့တဲ့ မက္ကစီကိုနိုင်ငံသား ဖြစ်ပါတယ်။ ဒါကြောင့်ပဲ Inaki ဟာ ယခုမှအသက်(၂၀)သာ ရှိပါသေးတယ်။ သူကတော့ One Piece Live Action မှာ မပါဝင်ခင် Netflix ရဲ့ Who Kill Sara? ဆိုတဲ့ ဇာတ်လမ်းတွဲထဲမှာလည်း Supporting Role အနေနဲ့ ပါဝင်ခဲ့ပါသေးတယ်။ လောလောဆယ်မှာတော့ Inaki ဟာ ဘယ်သူနဲ့မှ Date နေပုံမရဘဲ Single လို့ပဲ ယူဆရပါတယ်။

Mackenyu Arata (Roronoa Zoro)

ဒီဇာတ်လမ်းတွဲထဲက Badass အဖြစ်ဆုံး ဇာတ်ကောင်တစ်ယောက်လို့ ပြောလို့ရတဲ့ Zoro နေရာမှာတော့ အမေရိကန်နိုင်ငံသား ဂျပန်သရုပ်ဆောင် Mackenyu Arata က သရုပ်ဆောင်ထားပါတယ်။ Mackenyu ကိုတော့ ၁၉၉၆ ခုနှစ် နိုဝင်ဘာလ (၁၆)ရက်မှာ မွေးဖွားခဲ့ပြီး အသက်(၂၇)နှစ် ပြည့်တော့မှာပါ။  Mackenyu ကတော့ One Piece မှာ မပါဝင်ခင် နာမည်ကြီး Anime တွေရဲ့ Live Action တွေမှာ ပါဝင်ခဲ့ဖူးပါတယ်။

Rurouni Kenshin ရုပ်ရှင်သုံးကား၊ Fullmetal Alchemist ၊ JoJo’s Bizarre Adventure ၊ Tokyo Ghoul တို့ရဲ့ Live Action ထဲမှာ ပါဝင်ခဲ့သလို Pacific Rim Uprising ထဲမှာလည်း ပါဝင်ထားပါတယ်။ ဒါ့အပြင် Mackenyu ကတော့ ယခုနှစ်အတွင်းမှာပဲ ဆယ်လီမဟုတ်တဲ့ သာမန်မိန်းကလေးတစ်ယောက်နဲ့ လက်ထပ်သွားပါပြီ။

Emily Rudd (Nami)

Cat Burglar လို့ တင်စားခေါ်ကြတဲ့ Nami နေရာမှာတော့ အမေရိကန်သရုပ်ဆောင် Emily Rudd က သရုပ်ဆောင်ထားပါတယ်။ Emily Rudd ကိုတော့ ၁၉၉၃ ခုနှစ် ဖေဖော်ဝါရီလ (၂၄)ရက်မှာ မွေးဖွားခဲ့ပြီး အသက်(၃၀) ရှိနေပါပြီ။ Emily ကတော့ One Piece မတိုင်ခင်မှာ Netflix ရဲ့ Horror Franchise တစ်ခုဖြစ်တဲ့ Fear Street သုံးကားလုံးမှာ ပါဝင်ခဲ့ပါတယ်။ Emily ကတော့ One Piece ထဲမှာ သူမရဲ့သရုပ်ဆောင်ဖက် Jacob Romero Gibson နဲ့ တွဲနေတယ်လို့ သတင်းထွက်နေပါတယ်။ သို့သော်လည်း ဘယ်သူကမှ အတည်ပြုခြင်းတော့ မရှိသေးပါဘူး။

Jacob Romero Gibson (Usopp)

God Usopp လို့ ပရိသတ်တွေ ခေါ်ဝေါ်ကြတဲ့ Usopp နေရာမှာတော့ Jacob Romero Gibson က သရုပ်ဆောင်ထားပါတယ်။ Jacob ကိုတော့ ဂျမေကာနိုင်ငံမှာ ၁၉၉၆ ခုနှစ် ဇူလိုင်လ(၁၁)ရက်မှာ မွေးဖွားခဲ့ပြီး ယခုအချိန်မှာတော့ အမေရိကန်နိုင်ငံသားအဖြစ် ခံယူထားပါတယ်။ အသက်ကတော့ (၂၇)နှစ် ရှိနေပါပြီ။ Jacob ကတော့ One Piece မတိုင်ခင်မှာ Greenleaf ဆိုတဲ့ ဇာတ်လမ်းတွဲထဲမှာ Supporting Role အနေနဲ့ ပါဝင်ခဲ့ပါတယ်။

Taz Skylar (Sanji)

Black Leg Sanji သို့မဟုတ် Vinsmoke Sanji နေရာမှာတော့ Taz Skylar က သရုပ်ဆောင်ထားပါတယ်။ Taz ကို‌တော့ စပိန်နိုင်ငံမှာ ၁၉၉၅ ခုနှစ် ဒီဇင်ဘာလ (၅)ရက်နေ့မှာ မွေးဖွားခဲ့ပြီး အသက်(၂၇)နှစ် ရှိနေပါပြီ။ အဖေကတော့ စပိန်လူမျိူးဖြစ်ပြီး အမေကတော့ ဗြိတိန်သူဖြစ်တာကြောင့် စပိန်နဲ့ဗြိတိန် နှစ်နိုင်ငံသား ခံယူထားပါတယ်။ Taz ကတော့ အချို့အင်္ဂလိပ်ရုပ်ရှင်တွေမှာ ပါဝင်ခဲ့ဖူးပြီး One Piece ကတော့ သူ့အတွက် နာမည်အကြီးဆုံး ပရောဂျက်တစ်ခု ဖြစ်ပါတယ်။ Taz ဟာလည်း လောလောဆယ်မှာတော့ Single ဖြစ်နေပါတယ်။

Morgan Davies (Koby)

Koby နေရာမှာ သရုပ်ဆောင်ထားတဲ့ Morgan Davies ကိုတော့ ၂၀၀၁ ခုနှစ် နိုဝင်ဘာလ (၂၇)ရက်မှာ မွေးဖွားခဲ့ပြီး အသက်(၂၁)နှစ် ရှိနေပါပြီ။ Morgan ကတော့ ဩစတေးလျ သရုပ်ဆောင်တစ်ယောက် ဖြစ်ပါတယ်။ သူကတော့ Evil Dead Rise ထဲမှာ ပါဝင်ခဲ့ပါသေးတယ်။ သူ့ရဲ့နာမည်အရင်းကတော့ Morgana ဖြစ်ပြီး မိန်းကလေးအဖြစ် မွေးဖွားလာခဲ့တာပါ။ ဒါပေမယ့် ၂၀၂၀ ခုနှစ်မှာတော့ သူ့ရဲ့နာမည်ကို Morgan လို့ ပြောင်းလဲလိုက်ပြီး Transgender လို့လည်း ကြေညာလိုက်ပါတယ်။ Morgan ကတော့ သူ့ရဲ့ Personal ဘဝအကြောင်းကို သိုသိုသိပ်သိပ် နေတတ်တာကြောင့် သူ့ရဲ့ Love Life ကိုတော့ မသိရပါဘူး။

Peter Gadiot (Shank)

Red Hair Shank နေရာမှာတော့ ဗြိတိန်သရုပ်ဆောင် Peter Gadiot က သရုပ်ဆောင်ထားပါတယ်။ Peter ကိုတော့ ၁၉၈၅ ခုနှစ် ဇန်နဝါရီလ (၂)ရက်မှာ မွေးဖွားခဲ့ပြီး အသက်(၃၈)နှစ်ရှိနေပြီ ဖြစ်ပါတယ်။ Peter ကတော့ နာမည်ကြီး ဇာတ်လမ်းတွဲတွေ ဖြစ်တဲ့ Yellowjackets နဲ့ CW ရဲ့ Supergirl တို့မှာ ပါဝင်ခဲ့ဖူးပါတယ်။ Peter ကတော့ ယခုအချိန်ထိ တွဲနေသူလည်း မရှိသလို မိန်းမလည်း မရှိပါဘူး။

Vincent Regan (Monkey D. Garp)

Marine တွေရဲ့ ဟီးရိုး Garp အနေနဲ့တော့ ဗြိတိန်သရုပ်ဆောင်ကြီး Vincent Regan က သရုပ်ဆောင်ထားပါတယ်။ Vincent ကိုတော့ ၁၉၆၅ ခုနှစ် မေလ(၁၆)ရက်မှာ မွေးဖွားခဲ့ပြီး အသက်(၅၈)နှစ် ရှိနေပါပြီ။ Vincent ကတော့ ဝါရင့် သရုပ်ဆောင်တစ်ယောက် ဖြစ်ပြီး Troy ၊ 300 ၊ Clash of the Titans တို့အပြင် အခြားရုပ်ရှင်တွေမှာလည်း ပါဝင်ခဲ့ဖူးပါတယ်။ ဒါ့အပြင် အသစ်ထွက်ရှိလာမယ့် Aquaman and the Lost Kingdom ထဲမှာလည်း ပါဝင်လာမှာပါ။ Vincent ကတော့ ဗြိတိန်သရုပ်ဆောင် ဖြစ်တဲ့ Amelia Curtis နဲ့ ၂၀၀၁ ခုနှစ်ကတည်းက လက်ထပ်ထားပြီး ကလေးနှစ်ယောက်လည်း ရှိပါတယ်။

Langley Kirkwood (Captain Morgan)

ကောက်ရိုးဦးထုပ်တို့ ရင်ဆိုင်ရတဲ့ ပထမဆုံးရန်သူဖြစ်တဲ့ Captain Morgan နေရာမှာတော့ တောင်အာဖရိက သရုပ်ဆောင် Langley Kirkwood က သရုပ်ဆောင်ထားပါတယ်။ Langley ကိုတော့ ၁၉၇၃ ခုနှစ် ဧပြီလ(၁၄)ရက်မှာ မွေးဖွားခဲ့ပြီး အသက်(၅၀) ရှိနေပါပြီ။ Langley ကတော့ Black Sails ဇာတ်လမ်းတွဲအပြင် အခြားအက်ရှင်ကားတွေများစွာမှာလည်း ပါဝင်ခဲ့ဖူးပါတယ်။ သူကတော့ ၂၀၁၂ ခုနှစ်မှာ မော်ဒယ် Josie Borain နဲ့ ကွာရှင်းခဲ့ပြီး ကလေးနှစ်ယောက် ရှိပါတယ်။

Aidan Scott (Helmeppo)

Zoro ကို မြင်တာနဲ့ ကြောက်ဒူးတုန်နေတဲ့ Helmeppo နေရာမှာတော့ တောင်အာဖရိကသရုပ်ဆောင် Aidan Scott က သရုပ်ဆောင်ထားပါတယ်။ Aidan ကတော့ အသက်(၂၇)နှစ် ရှိနေပြီ ဖြစ်ပြီး တက်သစ်စသရုပ်ဆောင်လည်း ဖြစ်ပါတယ်။ Netflix ရဲ့ Kissing Booth 2 ထဲမှာ Supporting အနေနဲ့ ပါဝင်ခဲ့ပြီး လောလောဆယ်မှာတော့ Single ဖြစ်နေတယ်လို့ သိရပါတယ်။

Jeff Ward (Buggy)

Yonko ကြီး Buggy အနေနဲ့တော့ အမေရိကန်သရုပ်ဆောင် Jeff Ward က သရုပ်ဆောင်ထားပါတယ်။ ၁၉၈၆ ခုနှစ် ဒီဇင်ဘာလ(၃၀)ရက်မှာ မွေးဖွားခဲ့ပြီး အသက်(၃၇)နှစ် ပြည့်တော့မှာပါ။ Jeff Ward ဟာလည်း အတွေ့အကြုံရှိတဲ့ သရုပ်ဆောင်တစ်ယောက်ဖြစ်ပြီး Agent of Shield ၊ Blade II နဲ့ အခြားရုပ်ရှင်တွေမှာ ပါဝင်ထားပါတယ်။ Jeff ကတော့ လူသိရှင်ကြား ဘယ်သူနဲ့မှ တွဲမနေပေမယ့် တိတ်တိတ်လေး တွဲနေတဲ့သူတော့ ရှိချင်ရှိနိုင်ပါတယ်။

Steven John Ward (Dracule Mihawk)

Shank ရဲ့ပြိုင်ဘက်ဖြစ်တဲ့ Mihawk အနေနဲ့တော့ တောင်အာဖရိကသရုပ်ဆောင် Steven John Ward က ပါဝင်ထားပါတယ်။ သူ့ကိုတော့ ၁၉၉၀ ခုနှစ် ဇွန်လ(၂)ရက်နေ့မှာ မွေးဖွားခဲ့ပြီး အသက်(၃၃)နှစ် ရှိနေပါပြီ။ ဒီဇာတ်လမ်းတွဲထဲက Mihawk ဇာတ်ကောင်ကတော့ သူ့အတွက် နာမည်အကြီးဆုံး ဇာတ်ကောင်လည်း ဖြစ်ပါတယ်။ Steven ဟာ သရုပ်ဆောင် Valerie Joy Robinson နဲ့ ၂၀၁၉ ခုနှစ်ကတည်းက လက်ထပ်ခဲ့ပြီး ကလေးတစ်ယောက် ရနေပြီ ဖြစ်ပါတယ်။

Craig Fairbrass (Chef Zeff)

Sanji ရဲ့လက်ဦးဆရာဖြစ်တဲ့ Chef Zeff နေရာမှာတော့ ဗြိတိန်သရုပ်ဆောင် Craig Fairbrass က သရုပ်ဆောင်ထားပါတယ်။ ၁၉၆၄ ခုနှစ် ဇန်နဝါရီလ(၁၅)ရက်မှာ မွေးဖွားခဲ့ပြီး အသက်(၅၉)နှစ် ရှိနေပါပြီ။ Craig ဟာလည်း ဝါရင့်သရုပ်ဆောင်တစ်ယောက်ဖြစ်ပြီး အက်ရှင်ကားပေါင်းများစွာမှာ ပါဝင်ခဲ့ဖူးပါတယ်။ သူကတော့ ဂျာမနီလူမျိူး မော်ဒယ်လ်တစ်ယောက် ဖြစ်တဲ့ Elke Kellick နဲ့ လက်ထပ်ထားပြီး ကလေးနှစ်ယောက်လည်း ရှိပါတယ်။

McKinley Belcher III (Arlong)

Season 1 ရဲ့ ဗီလိန်ကြီးဖြစ်တဲ့ Arlong နေရာမှာတော့ အမေရိကန်သရုပ်ဆောင် McKinley Belcher III က သရုပ်ဆောင်ထားပါတယ်။ သူ့ကိုတော့ ၁၉၈၄ ခုနှစ် မတ်လ(၂၃)ရက်မှာ မွေးဖွားခဲ့ပြီး အသက်(၃၉)နှစ် ရှိနေပါပြီ။ McKinley ကတော့ Ozark ဇာတ်လမ်းတွဲနဲ့ We Own This City ရုပ်ရှင်တို့မှာ ပါဝင်ခဲ့ပါတယ်။ McKinley ကလည်း LGBT တစ်ယောက် ဖြစ်ပြီး Blake Fox နဲ့ ယခုနှစ်အတွင်းမှာပဲ လက်ထပ်ခဲ့ပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post One Piece Live Action ထဲက သရုပ်ဆောင်တွေရဲ့မိတ်ဆက် appeared first on San Yit Wine.

Highlander

၁၉၈၆ ခုနှစ်မှာ ထွက်ရှိခဲ့တဲ့ မူလ Highlander ရုပ်ရှင်ကတော့ စိတ်ကူးယဉ်သိပ္ပံ ရုပ်ရှင်တစ်ကား ဖြစ်ပါတယ်။ ဇာတ်လမ်းကတော့ ရှေးဟောင်း Immortal မျိူးနွယ်ဖြစ်တဲ့ Celtic စစ်သည်တော်နှစ်ယောက်က အချင်းချင်း တိုက်ခိုက်နေကြတာပဲ ဖြစ်ပါတယ်။ ဒီဇာတ်လမ်းကိုတော့ Reboot လုပ်ဖို့ စီစဉ်နေတာ လွန်ခဲ့တဲ့ ဆယ်နှစ်လောက်ကတည်းက ဖြစ်ပါတယ်။

လောလောဆယ်မှာတော့ ဒီကားကို John Wick လေးကားလုံးကို ရိုက်ကူးခဲ့တဲ့ ဒါရိုက်တာ Chad Stahelski က ရိုက်ကူးသွားမယ်လို့ သိရပါတယ်။ ဒီ Reboot ထဲမှာတော့ Henry Cavill က ပါဝင်သွားမယ်လို့လည်း ဆိုပါတယ်။ ဒီဇာတ်လမ်းဟာလည်း ဘတ်ဂျက်များများနဲ့ သေချာရိုက်မယ် ဆိုရင်တော့ Hit ဖြစ်တဲ့ Franchise တစ်ခု ဖြစ်လာနိုင်ပါတယ်။

Argylle

ဒီရုပ်ရှင်ကတော့ အက်ရှင်စပိုင်ရုပ်ရှင် အမျိူးအစားဖြစ်ပြီး Kick-Ass ၊ X-Men: First Class နဲ့ Kingsman ရုပ်ရှင်တွေကို ရိုက်ကူးခဲ့တဲ့ ဒါရိုက်တာ Matthew Vaughn က ရိုက်ကူးသွားမှာပါ။ Henry Cavill ကတော့ အဓိကပါဝင်သွားမှာ ဖြစ်ပြီး Sam Rockwell ၊ Bryce Dallas Howard ၊ John Cena နဲ့ Bryan Cranston တို့လည်း ပါဝင်သွားမှာပါ။

ဇာတ်လမ်းကတော့ အတိတ်မေ့နေတဲ့ ကမ္ဘာအဆင့် စပိုင်တစ်ယောက်ဟာ သူ့ကိုယ်သူ Best Seller ဝတ္ထုဆရာတစ်ယောက်လို့ ထင်မှတ်နေအောင် လှည့်စားခံထားရပါတယ်။ ဒီလိုနဲ့ တဖြည်းဖြည်းချင်း သူ့ရဲ့မှတ်ဉာဏ်တွေ ပြန်ရလာတဲ့အခါမှာတော့…။ ဒီရုပ်ရှင်ကိုတော့ AppleTV+ က ဖန်တီးသွားမှာဖြစ်ပြီး အနည်းဆုံး Trilogy အဖြစ် ဖန်တီးသွားမယ်လို့ ဆိုပါတယ်။ ဒီရုပ်ရှင်ကတော့ ၂၀၂၄ ခုနှစ် ဖေဖော်ဝါရီလမှာ ရုံတင်ပြသသွားမှာ ဖြစ်ပါတယ်။

Warhammer 40,000

Warhammer 40,000 ကတော့ Games Workshop က ဖန်တီးထားတဲ့ Miniature War ဂိမ်းတစ်ခု ဖြစ်ပါတယ်။ အနာဂတ်ကာလတစ်ခုမှာ ဇာတ်အိမ်တည်ထားပြီး လူသားတွေဟာ ဂြိုဟ်သားတွေ၊ သဘာဝလွန်သတ္တဝါတွေနဲ့ ရင်ဆိုင်နေရပါတယ်။ ဒီဂိမ်းထဲမှာတော့ နောက်ခံဇာတ်ကြောင်းတွေများစွာ ရှိပြီး Official Novel တွေလည်း ထွက်ရှိထားပါတယ်။ လောလောဆယ်မှာတော့ Amazon Studios ဟာ Henry Cavill နဲ့ Warhammer 40,000 ဇာတ်လမ်းတွဲကို ဖန်တီးနေပါတယ်။ Henry ဟာ ဒီဇာတ်လမ်းတွဲထဲမှာတော့ Executive Producer အနေနဲ့လည်း ပါဝင်ထားပါတယ်။

The Ministry of Ungentlemanly Warfare

ဒီရုပ်ရှင်ကတော့ ဒါရိုက်တာ Guy Ritchie က ရိုက်ကူးသွားမယ့် စပိုင်ရုပ်ရှင်ကား ဖြစ်ပါတယ်။ ဇာတ်လမ်းကတော့ ဒုတိယကမ္ဘာစစ်အတွင်းက ဗြိတိန်ရဲ့ လျှို့ဝှက်အဖွဲ့အစည်းတစ်ခုအကြောင်းကို မြင်တွေ့ရမှာပါ။ Henry Cavill အဓိက ပါဝင်ထားပြီး Henry Golding နဲ့ Alan Ritchson တို့လည်း ပါဝင်ထားပါတယ်။

ဒါရိုက်တာ Guy Ritchie ကတော့ Sherlock Holmes နဲ့ The Gentlemen တို့လို သူ့ရဲ့ ပရောဂျက်တွေအများစုကို Franchise အဖြစ် ပြောင်းလဲလေ့ ရှိပါတယ်။ ဒါကြောင့်ပဲ The Ministry of Ungentlemanly Warfare ကတော့ ဝင်ငွေအရ အောင်မြင်မှုနဲ့ ပရိသတ်တွေရဲ့ အားပေးမှု ရခဲ့မယ်ဆိုရင်တော့ ဒီရုပ်ရှင်ကလည်း Franchise တစ်ခု ဖြစ်သွားနိုင်ပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post Witcher နဲ့ Superman ကနေ နှုတ်ထွက်အပြီးမှာ အသစ်ထွက်လာမယ့် Henry Cavill ရဲ့ရုပ်ရှင်များ appeared first on San Yit Wine.

ထွေလာအစက ချိုနဲ့လူက ဘယ်သူလဲ?

ထွေလာရဲ့ ပထမဆုံးဇာတ်ဝင်ခန်းမှာတော့ အနက်ရောင်ချိုနဲ့ လူတစ်ယောက်ဟာ နေဝင်ချိန်ကို ရပ်ကြည့်နေတာ တွေ့ရပါတယ်။ ဒီလူက ဘယ်သူလည်း ဆိုတာကိုတော့ မပြောနိုင်သေးပါဘူး။ ဒါပေမယ့်လည်း သူ့ရဲ့ Dark ဖြစ်တဲ့ ပုံစံကြောင့် ဗီလိန်အနေနဲ့ ပါဝင်လာဖို့တော့ များပါတယ်။ ဒါမှမဟုတ် သူဟာ Rebel တွေထဲက တစ်ယောက်လည်း ဖြစ်နေနိုင်ပါတယ်။

Princess Issa

ဒီထွေလာထဲမှာတော့ Anthony Hopkins က Narrator အနေနဲ့ ပါဝင်ထားပြီး “Princess Issa ရဲ့ ဇာတ်လမ်းကို သိလား” လို့ မေးသွားပါတယ်။ Princess Issa ကိုတော့ Redeemer လို့လည်း ခေါ်ပြီး သူမဟာ စစ်ပွဲတွေကို ရပ်တန့်ပေးမယ့် လူတစ်ယောက် ဖြစ်ပါတယ်။

Princess Issa ဇာတ်ကောင်ကတော့ ဒီရုပ်ရှင်ထဲမှာ မပါဝင်ပေမယ့်လည်း အဓိကဇာတ်ကောင်ဖြစ်တဲ့ Kora ကတော့ Princess Issa ရဲ့နေရာကို ယူသွားမယ်လို့ ယူဆရတဲ့ အရိပ်အမြွက်တွေ ပါဝင်နေပါတယ်။ အသိသာဆုံး Hint ကတော့ Anthony Hopkins က Princess Issa အကြောင်းကို ပြောနေတဲ့အချိန်မှာ Kora ကို သေချာရိုက်ပြသွားတာပဲ ဖြစ်ပါတယ်။

Anthony Hopkins ရဲ့ဇာတ်ကောင်

Anthony Hopkins ကတော့ ဒီထွေလာရဲ့ Narrator အဖြစ် ပါဝင်ထားသလို ရုပ်ရှင်ထဲမှာလည်း Jimmy ဆိုတဲ့ ဇာတ်ကောင်နေရာက ပါဝင်ထားပါတယ်။ Jimmy ကတော့ Mechanical Knight တွေထဲက အသက်ရှင်ကျန်ရစ်တဲ့ လူတစ်ယောက် ဖြစ်ပါတယ်။ ဘုရင်သေဆုံးသွားပြီး နောက်မှာတော့ Kora ဟာ Imperium စစ်တပ်ကို တိုက်ခိုက်ဖို့ Jimmy ကို စေခိုင်းခဲ့ပါတယ်။

ဒီထွေလာထဲက သူ့ရဲ့ဒိုင်ယာလော့ခ်တွေအရ Jimmy ကတော့ ဉာဏ်ပညာကြီးပြီး အတွေ့အကြုံများတဲ့ ဇာတ်ကောင်တစ်ယောက် ဖြစ်မှာပါ။ ဒါ့အပြင် သူဟာ ဒီထွေလာရဲ့ Narrator အဖြစ်တောင် ပါဝင်ထားတာကြောင့် သူ့ရဲ့ဇာတ်ကောင်က အတော်လေး အရေးပါတဲ့နေရာက ပါဝင်လာမယ်လို့ ယူဆရပါတယ်။

General Titus

သရုပ်ဆောင် Djimon Hounsou ကတော့ General Titus အနေနဲ့ ပါဝင်ထားပါတယ်။ General Titus ကတော့ Battlefield တစ်ခုထဲမှာ ဒူးထောက်နေတာကို တွေ့ရပြီး နောက်ထပ်ဇာတ်ဝင်ခန်းမှာတော့ သူ့ရဲ့စစ်သားတွေကို စိတ်ခွန်အားတက်စေမယ့် မိန့်ခွန်းပြောနေတာကို တွေ့ရပါတယ်။

General Titus ကတော့ Imperium စစ်တပ်နဲ့ တိုက်ပွဲမှာ အလွန်အရေးပါမယ့် ဇာတ်ကောင်ဖြစ်ပြီး Imperium စစ်တပ်ရဲ့ General လည်း ဖြစ်ခဲ့ဖူးတယ်လို့ ဆိုပါတယ်။ ဒါပေမယ့် ထွေလာထဲမှာ မပြသွားတဲ့ အကြောင်းတစ်ခုကြောင့် Titus ဟာ Rebel ဖြစ်လာခဲ့တယ်လို့ ယူဆရပါတယ်။

ခေါင်းစွပ်စွပ်ခံထားရသူတွေဟာ ဘယ်သူတွေလဲ?

ဇာတ်ဝင်ခန်းတစ်ခုမှာတော့ အင်္ကျီမပါတဲ့ ယောကျာ်းတွေကို အနက်ရောင်ခေါင်းစွပ်တွေ စွပ်ပေးထားတာကို တွေ့ရပါတယ်။ အဲဒီခေါင်းစွပ်အပေါ်မှာတော့ မျက်လုံးပုံတွေ ဆွဲထားပြီး သူတို့ရဲ့လက်ကိုလည်း ကြိုးချည်ထားပါတယ်။ ဒါ့အပြင် သူတို့ဟာ Battlefield ထဲမှာ ရောက်နေတယ်လို့ ယူဆရပါတယ်။

နောက်ထပ် ဇာတ်ဝင်ခန်းတစ်ခုမှာလည်း တယောတီးနေတဲ့ လူနှစ်ယောက်က ခေါင်းစွပ်တွေ စွပ်ထားတာကို တွေ့ရပါတယ်။ ဒီတစ်ခါမှာတော့ ခေါင်းစွပ်ပေါ်မှာ ရွှေရောင်မျက်လုံးပုံကို ဆွဲထားပါတယ်။ ဒီမျက်လုံးတွေရဲ့ အဓိပ္ပာယ်ကိုတော့ သေချာမသိရပါဘူး။ ခေါင်းစွပ် စွပ်ထားတဲ့လူတွေဟာ ထူးခြားတဲ့ မျိူးနွယ်စုတစ်ခု ဖြစ်နိုင်သလို ရာဇဝတ်မှု ကျူးလွန်ခြင်းရဲ့ အမှတ်အသားတစ်ခုလည်း ဖြစ်နိုင်ပါတယ်။

စစ်ပွဲ

ဒီထွေလာထဲက ဇာတ်ဝင်ခန်းအများစုမှာတော့ စစ်ဖြစ်နေတဲ့ ပုံစံတွေကို ပြသသွားပါတယ်။ ပြည်သူတွေကို ဆွဲခေါ်နေတဲ့ စစ်သားတွေ၊ မြို့တွေပေါ်က ဖြတ်ပျံသွားတဲ့ အာကာသယာဉ်တွေ၊ ရွာတွေကို မီးရှို့ပစ်တာတွေနဲ့ လူတွေကို သတ်ဖြတ်နေတာကိုလည်း တွေ့ခဲ့ရပါတယ်။ Imperium စစ်တပ်ဟာ ဒီလုပ်ရပ်တွေအတွက် တာဝန်ရှိနေပြီး Rebel တွေကတော့ ပြည်သူတွေဘက်က ပြန်လည်တိုက်ခိုက်တာပဲ ဖြစ်ပါတယ်။

Kora/The Scargiver

သရုပ်ဆောင် Sofia Boutella ကတော့ Kora သို့မဟုတ် The Scargiver အနေနဲ့ ပါဝင်သရုပ်ဆောင်ထားပါတယ်။ သူမကတော့ အဓိကဇာတ်ကောင် ဖြစ်ပြီး Imperium စစ်တပ်က သူတို့ရွာဆီ လာနေတာကိုလည်း ရွာသားတွေကို သတိပေးနေတာ တွေ့ခဲ့ရပါတယ်။ အစကတော့ သူမဟာ သာမန်ရွာသူလေးတစ်ယောက် ပုံစံမျိူး ဖြစ်နေပေမယ့် နောက်ပိုင်းမှာတော့ Imperium စစ်တပ်ကို တော်လှန်နေတဲ့ စစ်သည်တော်တစ်ယောက်ဆိုတာကို ပြသသွားပါတယ်။

Kora ကို လိုက်ဖမ်းနေတဲ့ Admiral Atticus

Imperium စစ်တပ်အတွက် အန္တရာယ်ရှိလာတာကြောင့် Kora ကိုတော့ Admiral Atticus ကိုယ်တိုင်က လိုက်ဖမ်းနေပါတယ်။ Admiral Atticus နေရာမှာတော့ သရုပ်ဆောင် Ed Skrein က သရုပ်ဆောင်ထားပါတယ်။ Admiral Atticus ကတော့ Imperium စစ်တပ်ရဲ့ ခေါင်းဆောင်တစ်ယောက်ဖြစ်ပြီး Regent Balisarius ရဲ့ ညာလက်ရုံးလည်း ဖြစ်ပါတယ်။

Kora ရဲ့ Backstory

ဒီထွေလာထဲမှာတော့ Kora ဟာ The Scargiver ဘယ်လိုဖြစ်လာတယ် ဆိုတာကိုလည်း အရိပ်အမြွက် ပြသသွားပါတယ်။ Flashbacks တွေထဲမှာတော့ Kora ဟာ ငယ်ရွယ်စဉ်က Imperium စစ်တပ်ထဲဝင်ခဲ့ပြီး အလွန်ကျွမ်းကျင်တဲ့ စစ်သည်တော်တစ်ယောက် ဖြစ်လာတာကို မြင်ခဲ့ရပါတယ်။ ဒါ့အပြင် သူမဟာ အခြားစစ်သားတစ်ယောက်နဲ့လည်း ချစ်ကြိုက်မိသွားပါသေးတယ်။ အဲဒီစစ်သားက သေသွားချိန်မှာတော့ Kora ဟာ ဖြစ်ပျက်သမျှကို Imperium စစ်တပ်အပေါ် အပြစ်တင်ခဲ့ပြီး စစ်တပ်ကနေ ထွက်လာခဲ့ပုံ ရပါတယ်။

Nemesis

ဒီရုပ်ရှင်ထဲက နောက်ထပ် တိုက်ခိုက်ရေး ကျွမ်းကျင်တဲ့ အမျိူးသမီးဇာတ်ကောင်ကတော့ Bae Doona သရုပ်ဆောင်ထားတဲ့ Nemesis ဇာတ်ကောင်ပဲ ဖြစ်ပါတယ်။ ဒီထွေလာထဲမှာတော့ Nemesis ဟာ Cyborg တစ်ယောက်၊ Spider Warrior တစ်ယောက်နဲ့ တိုက်ခိုက်နေတာကိုလည်း တွေ့ခဲ့ရပါတယ်။ Spider Warrior ဆိုတာကတော့ ပင့်ကူခြေထောက်တွေ ပိုင်ဆိုင်ထားတဲ့ Harmada ဆိုတဲ့ အမျိူးသမီးဖြစ်ပြီး သရုပ်ဆောင် Jena Malone က သရုပ်ဆောင်ထားပါတယ်။ Nemesis ကတော့ နောက်ပိုင်းမှာ Kora နဲ့ ပူးပေါင်းသွားမှာလည်း ဖြစ်ပါတယ်။

Lightsaber တွေလား?

ဒီထွေလာထဲက လူသတိထားမိဆုံး ဇာတ်ဝင်ခန်းကတော့ Nemesis က Harmada နဲ့ တိုက်ခိုက်တဲ့အချိန်မှာ Lightsaber လို လက်နက်ကို အသုံးပြုခဲ့တဲ့ ဇာတ်ဝင်ခန်းပါပဲ။ Zack Snyder ရဲ့ Rebel Moon ဟာ Star Wars ရုပ်ရှင်ပဲ ဆိုတာကိုတော့ လူတိုင်းသိကြပေမယ့် ဒါဟာ Official Star Wars ရုပ်ရှင်တော့ မဟုတ်ပါဘူး။ ဒါကြောင့်ပဲ ဒီလက်နက်တွေကတော့ Lightsaber နဲ့ ဆင်တူတဲ့ လက်နက်တစ်ခု ဖြစ်နိုင်ပြီး Lightsaber တော့ မဖြစ်နိုင်ပါဘူး။

Kai

သရုပ်ဆောင် Charlie Hunnam ကတော့ Kai ဆိုတဲ့ ဇာတ်ကောင်နေရာက ပါဝင်ထားပါတယ်။ ထွေလာထဲမှာ မြင်ရသလောက်ဆိုရင် Kai ကတော့ Kora ရဲ့ ပထမဆုံး မဟာမိတ်တွေထဲက တစ်ယောက်ဖြစ်ပုံ ရပါတယ်။ ဒါ့အပြင် Kai ဟာ ကြေးစား Pilot တစ်ယောက်ဖြစ်ပြီး ဇာတ်လမ်းတလျှောက်မှာ Kora စီးနင်းသမျှ အာကာသယာဉ်တွေကို မောင်းနှင်ပေးမယ့်သူလို့ ယူဆရပါတယ်။

Regent Balisarius

Mother World ရဲ့ဘုရင် သေဆုံးသွားပြီး နောက်မှာတော့ Regent Balisarius က ထီးနန်းကို ယာယီထိန်းသိမ်းခဲ့ပါတယ်။ သူကတော့ အာဏာရှင်ဆန်တဲ့ ခေါင်းဆောင်တစ်ယောက် ဖြစ်ပြီး ထီးနန်းရရှိသွားတာကြောင့် အလွန်အန္တရာယ်ကြီးလာခဲ့ပါတယ်။ သူဟာ အာဏာမက်လွန်းသူဖြစ်ပြီး သရုပ်ဆောင် Fra Free က ဇာတ်ကောင် ပီပြင်အောင် သရုပ်ဆောင်ထားပါတယ်။

တိရစ္ဆာန်တွေကို ထိန်းချုပ်နိုင်တဲ့ Tarak

သရုပ်ဆောင် Staz Nair ကတော့ Tarak အဖြစ် သရုပ်ဆောင်ထားပါတယ်။ Tarak ကတော့ ပန်းပဲဆရာတစ်ယောက် ဖြစ်ပြီး ထူးခြားတာကတော့ တိရစ္ဆာန်တွေကို ထိန်းချုပ်နိုင်စွမ်း ရှိတာပါပဲ။ သူကတော့ ဒီစွမ်းအားကို အသုံးပြုပြီး Kora နဲ့အတူ Imperium စစ်တပ်ကို တိုက်ခိုက်တဲ့နေရာမှာ ပါဝင်သွားမှာ ဖြစ်ပါတယ်။

လူတွေအပြင် အခြားမျိူးစိတ်တွေလည်း ပါဝင်လာမယ့် Rebel Moon

ဒီထွေလာထဲမှာတော့ လူတွေတင် မဟုတ်ဘဲ အခြား‌သော မျိူးစိတ်တွေလည်း ပါဝင်နေတာကို တွေ့ရပါတယ်။ Tarak ဟာ Imperium စစ်တပ်ကို တိုက်ခိုက်ဖို့ လူတွေကို တိုက်တွန်းနေတဲ့ အချိန်မှာတော့ လက်လေးချောင်း ပါဝင်တဲ့ မွန်းစတား တစ်ကောင်ကိုလည်း မြင်တွေ့ခဲ့ရပါတယ်။ ဒါကြောင့်ပဲ ဒီရုပ်ရှင်ထဲမှာတော့ အခြားထူးထူးဆန်းဆန်း မျိူးစိတ်တွေကိုလည်း မြင်တွေ့ရနိုင်ပါသေးတယ်။

ဒဏ္ဍာရီလာသတ္တဝါတွေလည်း ပါဝင်ပါတယ်။

ဇာတ်ဝင်ခန်းတစ်ခုမှာတော့ Tarak ဟာ Griffin တစ်ကောင်ကို ယဉ်ပါးလာအောင် ကြိုးစားနေတာကို တွေ့ခဲ့ရပါတယ်။ အဲဒီနောက်မှာတော့ Griffin ဟာ Tarak နဲ့ တစ်သားတည်း ဖြစ်သွားပြီး Tarak က ချောက်ကမ်းပါးကနေ ခုန်ချပြီး Griffin ကို စီးသွားတာကိုလည်း တွေ့ခဲ့ရပါတယ်။ အခြားသော ဒဏ္ဍာရီလာသတ္တဝါတွေ ပါဝင်လာဦးမလား ဆိုတာတော့ စောင့်ကြည့်ရမှာပါ။

ဂြိုဟ်သားတွေလည်း ပါဝင်သေးပါတယ်။

ဒီ Universe ထဲမှာတော့ မျိူးစိတ်တွေများစွာ ရှိနေပြီး ဂြိုဟ်သားတစ်ယောက်ကိုလည်း တွေခဲ့ရပါတယ်။ ဒီဂြိုဟ်သားကတော့ အဖြူရောင်နဲ့ ပန်းရောင် ရောစပ်ထားတဲ့ အသားအရေရှိပြီး ပါးစပ်နားမှာလည်း ရေဘဝဲလက်တံလို အရာတွေ ပါဝင်ပါတယ်။ သူ့ရဲ့နဖူးမှာလည်း သင်္ကေတတစ်ခု ရှိနေပါသေးတယ်။ ဒီလိုမတူညီတဲ့ မျိူးစိတ်တွေများစွာ ပါဝင်နေတဲ့ Rebel Moon Universe ကတော့ တော်တော်လေးကို ကျယ်ပြန့်တယ်လို့ ယူဆရပါတယ်။

ဘယ်သူမှန်း မသိရသေးတဲ့ ကလေးမလေး

ဒီထွေလာကတော့ ပရိသတ်တွေအတွက် ပဟေဠိပေါင်းများစွာ ပါဝင်နေပါတယ်။ ဇာတ်ဝင်ခန်းတစ်ခုမှာတော့ နှင်းတွေကြားက ‌ကလေးမလေးတစ်ယောက်ဟာ သူ့ရဲ့လက်ပေါ်က ငှက်လေးကို ကြည့်နေပါတယ်။ နောက်ထပ်ဇာတ်ဝင်ခန်းတစ်ခုမှာတော့ ဒီကလေးမလေးနဲ့အတူ အနက်ရောင်ဝတ်ရုံ ခြုံထားတဲ့ လူတစ်ယောက် ရှိနေပြီး အနက်ရောင်ခွေးတစ်ကောင်လည်း ရှိနေပါတယ်။

ဒီကလေးမလေးရဲ့ ပုံစံဟာ ချမ်းသာပြီး အာဏာရှိလာမယ့် ပုံစံမျိူး ဖြစ်နေပါတယ်။ ထူးခြားတာကတော့ ဒီထွေလာတစ်ခုလုံးမှာ နှင်းပါဝင်တဲ့ ဇာတ်ဝင်ခန်းဆိုလို့ ဒီကလေးမလေးကို ပြသွားတဲ့ ဇာတ်ဝင်ခန်းပဲ ရှိပါတယ်။ သူက ဘယ်သူလည်း ဆိုတာကိုတော့ စောင့်ကြည့်ရမှာ ဖြစ်ပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post ဒါရိုက်တာ Zack Snyder ရဲ့ Rebel Moon ထွေလာ (Breakdown) appeared first on San Yit Wine.

Ouija: Origin of Evil

ဒီရုပ်ရှင်ကတော့ ၂၀၁၆ ခုနှစ်မှာ ထွက်ရှိခဲ့ပြီး IMDb (6.2) ရရှိထားပါတယ်။ ဇာတ်လမ်းကတော့ ကလေးနှစ်ယောက်ရှိတဲ့ မုဆိုးမတစ်ယောက်ဟာ Ouija Board ကို အသုံးပြုပြီး သေဆုံးသွားတဲ့ ဝိဥဉ်တွေနဲ့ ဆက်သွယ်ပေးနိုင်တယ်ဆိုပြီး လူတွေကို လိမ်လည်နေပါတယ်။ ဒါပေမယ့်လည်း တစ်ရက်မှာတော့ တကယ့်မကောင်းဆိုးဝါး အစစ်တစ်ကောင်က သူ့ရဲ့သမီးအငယ်ဆုံးလေးကို ဝင်ပူးသွားတဲ့အခါမှာတော့…..။ သရုပ်ဆောင်တွေကတော့ Lulu Wilson ၊ Elizabeth Reaser နဲ့ Annalise Basso တို့ ပါဝင်ထားပါတယ်။

Gerald’s Game

ဒီရုပ်ရှင်ကတော့ ၂၀၁၇ ခုနှစ်မှာ ထွက်ရှိထားပြီး IMDb (6.5) ရရှိထားပါတယ်။ စာရေးဆရာကြီး Stephen King ရဲ့ ဝတ္ထုကို ပြန်လည်ရိုက်ကူးထားတာလည်း ဖြစ်ပါတယ်။ ဇာတ်လမ်းအကျဉ်းကတော့ ဇနီးမောင်နှံနှစ်ယောက်ဟာ အဆင်မပြေဖြစ်နေတဲ့ သူတို့အိမ်ထောင်ရေးကို ပြန်လည်ပြုပြင်ဖို့အတွက် လူသူမနီးတဲ့ နေရာတစ်ခုကို ရောက်လာခဲ့ပါတယ်။

အဲဒီနောက်မှာတော့ အမျိူးသမီးဖြစ်သူကို အိပ်ရာပေါ်မှာ လက်ထိပ်ခတ်ထားပြီး အချစ်ဇာတ်လမ်းစဖို့ လုပ်နေကြတုန်းမှာပဲ အမျိုးသားဖြစ်သူဟာ မတော်တဆ သေဆုံးသွားပါတယ်။ အဲဒီအချိန်မှာပဲ မထင်ထားတဲ့ ဖြစ်ရပ်တွေ ဖြစ်လာပါတော့တယ်။ သရုပ်ဆောင်တွေကတော့ Carla Gugino ၊ Bruce Greenwood နဲ့ Carel Struycken တို့ ပါဝင်ထားပါတယ်။

Oculus

ဒီရုပ်ရှင်ကတော့ ၂၀၁၃ ခုနှစ်မှာ ထွက်ရှိခဲ့ပြီး IMDb (6.5) ရရှိထားပါတယ်။ ဇာတ်လမ်းအကျဉ်းကတော့ ကောင်လေးတစ်ယောက်ဟာ လူသတ်မှုတစ်ခုကြောင့် စိတ်ရောဂါကုဆေးရုံမှာ အကျဉ်းကျသွားပါတယ်။ သူပြန်လွတ်လာချိန်မှာတော့ သူ့ရဲ့အစ်မဖြစ်သူဟာ ဒီလူသတ်မှုတွေကို သဘာဝလွန်အရာတစ်ခုက ပြုလုပ်ခဲ့တယ်ဆိုတာ သက်သေပြဖို့ ကြိုးစားတာကို မြင်တွေ့ရမှာပါ။ သရုပ်ဆောင်တွေကတော့ Karen Gillan ၊ Breton Thwaites တို့အပြင် ဒါရိုက်တာ Mike Flanagan ကိုယ်တိုင်လည်း ပါဝင်သရုပ်ဆောင်ထားပါတယ်။

The Haunting of Bly Manor

ဒီဇာတ်လမ်းတွဲကတော့ The Haunting Series ရဲ့ ဒုတိယမြောက် Season ဖြစ်ပြီး IMDb (7.4) ရရှိထားပါတယ်။ ဇာတ်လမ်းကတော့ Bly Manor ကြီးမှာ မိဘမဲ့ကလေးနှစ်ယောက်နဲ့အတူ အခြားအလုပ်သမားတွေ နေထိုင်ကြပါတယ်။

ကလေးထိန်းက သေဆုံးသွားချိန်မှာတော့ မိဘမဲ့ကလေးနှစ်ယောက်ရဲ့ ဦးလေးဖြစ်သူက ကလေးထိန်းအသစ်တစ်ယောက်ကို ခေါ်လိုက်ပါတယ်။ အဲဒီကလေးထိန်းကတော့ ဒီအိမ်ကြီးကို ရောက်လာတဲ့အချိန်ကစပြီး ထူးဆန်းတဲ့ အဖြစ်အပျက်တွေနဲ့ ကြုံတွေ့ရပါတော့တယ်။ သရုပ်ဆောင်တွေကတော့ Victoria Pedretti ၊ Oliver Jackson-Cohen နဲ့ Kate Siegel တို့ ပါဝင်ထားပါတယ်။

The Haunting of Hill House

ဒီဇာတ်လမ်းတွဲကတော့ The Haunting Series ရဲ့ ပထမ Season ဖြစ်ပြီး IMDb (8.6) ရရှိထားပါတယ်။ ဇာတ်လမ်းကတော့ သရဲခြောက်တယ်လို့ နာမည်ကြီးတဲ့အိမ်မှာ ကြီးပြင်းလာရတဲ့ မောင်နှမတွေဟာ အရွယ်ရောက်သွားကြပြီး တစ်ယောက်တစ်နေရာစီ ဖြစ်နေကြပါပြီ။ ဒါပေမယ့်လည်း ဝမ်းနည်းစရာတစ်ခုကြောင့် သူတို့အားလုံး ပြန်လည်စုံစည်းဖြစ်ကြပြီးနောက် သူတို့ရဲ့အတိတ်က မကောင်းဆိုးဝါးတွေနဲ့ ပြန်လည်ရင်ဆိုင်ရပါတော့တယ်။ သရုပ်ဆောင်တွေကတော့ Victoria Pedretti ၊ Oliver Jackson-Cohen နဲ့ Kate Siegel တို့ ပါဝင်ထားပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post ဒါရိုက်တာ Mike Flanagan ရဲ့ ကြောက်စရာအကောင်းဆုံး Horror ဇာတ်လမ်းများ appeared first on San Yit Wine.

Accident Man

ဒီရုပ်ရှင်ကတော့ ၂၀၁၈ ခုနှစ်မှာ ထွက်ရှိခဲ့ပြီး IMDb (6.2) ရရှိထားပါတယ်။ ဇာတ်လမ်းကတော့ Mike ဆိုတဲ့ ကြေးစားလူသတ်သမားအကြောင်းကို ရိုက်ကူးထားတာ ဖြစ်ပါတယ်။ Mike ကတော့ သူ့ရဲ့ပစ်မှတ်တွေကို ကိုယ့်ကိုယ်ကို သေကြောင်းကြံတဲ့ပုံစံနဲ့ မတော်တဆဖြစ်ရပ်တွေလိုမျိူး ဖန်တီးပြီး သတ်ပစ်တာကြောင့် နာမည်ကြီးပါတယ်။ ဒါပေမယ့်လည်း သူချစ်ရတဲ့ လူတစ်ယောက် သေဆုံးသွားတဲ့အချိန်မှာတော့ အဲ့ဒီလူသတ်မှုကို ဘယ်သူလုပ်သွားလည်းဆိုတာ လိုက်လံစုံစမ်းပါတော့တယ်။ သရုပ်ဆောင်တွေကတော့ Scott Adkins ၊ Ashley Greene နဲ့ Ray Stevenson တို့က အဓိက ပါဝင်ထားပါတယ်။

Furie

ဒီရုပ်ရှင်ကတော့ Netflix က ထုတ်လုပ်ခဲ့တဲ့ ဗီယက်နမ်ရုပ်ရှင် ဖြစ်ပါတယ်။ ၂၀၁၉ ခုနှစ်မှာ ထွက်ရှိခဲ့ပြီး IMDb (6.3) ရရှိထားပါတယ်။ ဇာတ်လမ်းအကျဉ်းကတော့ လူကုန်ကူးသူတွေဟာ Hai Phuong ရဲ့သမီးလေးကို သူတို့ရွာကနေ ပြန်ပေးဆွဲသွားကြပါတယ်။ ဒါကြောင့်ပဲ Hai Phuong ကတော့ သူ့သမီးလေးကို ကယ်တင်နိုင်ဖို့အတွက် လူကုန်ကူးသူတွေနဲ့ ရင်ဆိုင် တိုက်ခိုက်ရပါတော့တယ်။ သရုပ်ဆောင်တွေကတော့ Ngo Thanh Van နဲ့ YaYa Truong Nhi တို့က အဓိကပါဝင်ထားပါတယ်။

Violent Night

ဒီရုပ်ရှင်ကတော့ ၂၀၂၂ ခုနှစ်မှာ ထွက်ရှိခဲ့ပြီး IMDb (6.7) ရရှိထားပါတယ်။ ဇာတ်လမ်းကတော့ ခရစ်စမတ်အကြိုညမှာ ကြေးစားအဖွဲ့တစ်ခုဟာ မိသားစုတစ်စုရဲ့ အိမ်ထဲကို ဝင်လာပြီး အားလုံးကို ဓားစာခံလုပ်ထားပါတယ်။ ဒါပေမယ့်လည်း သူတို့အားလုံးကို Surprise ဖြစ်သွားစေတာကတော့ Santa Claus ရောက်လာတာပါပဲ။ Santa ကလည်း သာမန်အဘိုးကြီးတစ်ယောက် မဟုတ်ဘဲ အဲဒီကြေးစားတွေအားလုံးကို အရည်ကြိုသောက်လို့ရအောင် တိုက်ခိုက်နိုင်တဲ့အခါမှာတော့…။ သရုပ်ဆောင်တွေကတော့ David Harbour ၊ Beverly D’Angelo နဲ့ John Leguizamo တို့ ပါဝင်ထားပါတယ်။

Atomic Blonde

ဒီရုပ်ရှင်က‌တော့ ၂၀၁၇ ခုနှစ်မှာ ထွက်ရှိခဲ့ပြီး IMDb (6.7) ရရှိထားပါတယ်။ ၁၉၈၉ ခုနှစ်မှာ ဇာတ်အိမ်တည်ထားပြီး MI6 အေးဂျင့်တစ်ယောက်ဟာ အေးဂျင့်တစ်ယောက် အသတ်ခံရမှုနဲ့ အခြားပျောက်ဆုံးနေတဲ့ အေးဂျင့်တွေအကြောင်း စုံစမ်းဖို့ ဂျာမနီနိုင်ငံ ဘာလင်မြို့ကို ရောက်လာခဲ့ပါတယ်။ သရုပ်ဆောင်တွေကတော့ Charlize Theron ၊ James McAvoy နဲ့ Sofia Boutella တို့ ပါဝင်ထားပါတယ်။

Extraction

ဒီရုပ်ရှင်ကတော့ ၂၀၂၀ ခုနှစ်မှာ ထွက်ရှိခဲ့ပြီးတော့ IMDb (6.8) ရရှိထားပါတယ်။ ဇာတ်လမ်းအကျဉ်းကတော့ ထောင်ကျနေတဲ့ ဒုစရိုက်ခေါင်းဆောင်တစ်ယောက်ရဲ့ သားဟာ ပြန်ပေးဆွဲခံလိုက်ရတာကြောင့် ကြေးစားတစ်ယောက်ကို ငှားပြီး ပြန်လည်ကယ်ဆယ်စေတဲ့ မစ်ရှင်တစ်ခုပဲ ဖြစ်ပါတယ်။ အဲဒီကြေးစားကတော့ ဒီမစ်ရှင်မှာ ဘယ်လိုအခက်အခဲတွေနဲ့ ရင်ဆိုင်ရမလည်းဆိုတာ မြင်တွေ့ရမှာ ဖြစ်ပါတယ်။ သရုပ်ဆောင်တွေကတော့ Chris Hemsworth ၊ Golshifteh Farahani နဲ့ David Harbour တို့ အဓိကပါဝင်ထားပါတယ်။

Sisu

ဒီရုပ်ရှင်ကတော့ ၂၀၂၂ ခုနှစ်မှာ ထွက်ရှိခဲ့ပြီး IMDb (6.9) ရရှိထားပါတယ်။ ဒုတိယကမ္ဘာစစ် ပြီးခါနီးမှာ ဇာတ်အိမ်တည်ထားပြီး တပ်ဆုတ်လာတဲ့ နာဇီတွေဟာ ကျောက်တူးသမားတစ်ယောက်နဲ့ ဆုံတွေ့ခဲ့ပါတယ်။ အဲဒီနောက် နာဇီတွေဟာ အဲဒီကျောက်တူးသမား ဖွက်ထားတဲ့ ရွှေတွေကို ခိုးယူသွားတဲ့အခါမှာတော့ ကျောက်တူးသမားဟာ သာမန်လူတစ်ယောက် မဟုတ်မှန်း သိလိုက်ရပါတော့တယ်။ သရုပ်ဆောင်တွေကတော့ Jorma Tommila ၊ Mimosa Willamo နဲ့ Aksel Hennie တို့ ပါဝင်ထားပါတယ်။

Nobody

ဒီရုပ်ရှင်ကတော့ ၂၀၂၁ ခုနှစ်မှာ ထွက်ရှိခဲ့ပြီး IMDb (7.4) ရရှိထားပါတယ်။ ဇာတ်လမ်းအကျဉ်းကတော့ အမျိူးသမီးတစ်ယောက်ကို လူတစ်စုက နှောင့်ယှက်နေတာကြောင့် ဘေးလူတစ်ယောက်က မနေနိုင်ဘဲ ဝင်ကူညီလိုက်မိပါတယ်။ ဒါကြောင့်ပဲ အဲ့ဒီဘေးလူဟာ မူးယစ်ရာဇာတစ်ယောက်ရဲ့ ပစ်မှတ်ဖြစ်သွားပြီး အသက်ရှင်သန်နိုင်ဖို့အတွက် ကြိုးစားရပါတော့တယ်။ ပါဝင်ထားတဲ့ သရုပ်ဆောင်တွေကတော့ Bob Odenkirk ၊ Aleksey Serebryakov နဲ့ Connie Nielsen တို့က အဓိက ပါဝင်ထားပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)

The post John Wick လို ခပ်ကြမ်းကြမ်းကားတွေ ကြိုက်နှစ်သက်ရင် ကြည့်ရှုသင့်တဲ့ရုပ်ရှင်များ appeared first on San Yit Wine.

ဒီဇာတ်လမ်းတွဲထဲမှာတော့ Percy Jackson အနေနဲ့ Walker Scobell ၊ Annabeth အနေနဲ့ Leah Jeffries ၊ Grover အနေနဲ့ Aryan Simhadri တို့ ပါဝင်ထားပါတယ်။ Ares အနေနဲ့တော့ Adam Copeland က ပါဝင်ထားပြီး Jessica Parker Kennedy ကတော့ Medusa အနေနဲ့ ပါဝင်ထားပါတယ်။ ပထမဆုံး ထွက်လာတဲ့ ထွေလာကိုတော့ အောက်မှာ ကြည့်ရှုနိုင်ပါတယ်။

ဒီထွေလာထဲမှာတော့ Ares နဲ့ Medusa တို့နှစ်ယောက်ကိုပဲ ပြသခဲ့ပေမယ့် အခြားသော အရေးပါတဲ့ ဇာတ်ကောင်တွေဖြစ်တဲ့ Zeus ၊ Dionysus ၊ Hephaestus ၊ Poseidon နဲ့ Hades တို့လည်း ပါဝင်လာဦးမှာပါ။ ထွေလာထဲမှာ မြင်ရသလောက် ဆိုရင်တော့ Percy Jackson က သူ့ကိုယ်သူ့ Demigod တစ်ယောက‌ြဖြစ်ကြောင်း စတင်သိရပုံကနေ စွန့်စားခန်းတွေ ကြုံတွေ့ရတာကို ကြည့်ရှုရမယ်လို့ ယူဆရပါတယ်။

ဒီဇာတ်လမ်းတွဲကတော့ အရင်ကထွက်ထားတဲ့ ရုပ်ရှင်နှစ်ကားထက် ဝတ္ထုထဲက အချက်အလက်တွေကို ပိုပြီးတိကျအောင် ဖန်တီးထားတယ်လို့ သိရပါတယ်။ အကြောင်းကတော့ အရင်ကထွက်ခဲ့တဲ့ ရုပ်ရှင်နှစ်ကားကို ဝေဖန်ခဲ့တဲ့ စာရေးဆရာ Rick Riordan ကိုယ်တိုင်က ဒီဇာတ်လမ်းတွဲထဲမှာ Co-Creator ၊ Executive Producer နဲ့ ဇာတ်ညွှန်းရေးဆရာအဖြစ် ပါဝင်ထားလို့ပဲ ဖြစ်ပါတယ်။ ဒီဇာတ်လမ်းတွဲကတော့ လာမယ့်ဒီဇင်ဘာလ (၂၀)ရက်နေ့မှာ ထွက်ရှိလာမှာ ဖြစ်ပါတယ်။

Legos

Source: Screenrant

The post နှစ်ကုန်ပိုင်းမှာကြည့်ရှုရတော့မယ့် Percy Jackson and the Olympians ဇာတ်လမ်းတွဲ appeared first on San Yit Wine.