Anya Taylor-Joy ပါဝင်သရုပ်ဆောင်ထားတဲ့ Mad Max prequel ရုပ်ရှင် Furiosa ကတော့ ရိုက်ကူးရေး ပြီးစီးသွားပြီ ဖြစ်ပါတယ်။ ဒီဇာတ်ကားကတော့ ၂၀၁၅ ခုနှစ်က ထွက်ရှိခဲ့တဲ့ Mad Max: Fury Road ရဲ့ prequel ရုပ်ရှင်ဖြစ်သလို spin-off လည်း ဖြစ်ပါတယ်။
၂၀၂၄ ခုနှစ်မှာ ရုံတင်ပြသဖို့ လျာထားတဲ့ Furiosa ရုပ်ရှင်ထဲမှာတော့ Anya Taylor-Joy နဲ့ Chris Hemsworth တို့က အဓိကပါဝင်ထားပါတယ်။ Anya Taylor-Joy ကတော့ Furiosa နေရာမှာ သရုပ်ဆောင်ထားပြီး Chris Hemsworth ကတော့ Dr. Dementus နေရာက သရုပ်ဆောင်ထားပါတယ်။ ရိုက်ကူးပေးထားတဲ့ ဒါရိုက်တာကတော့ George Miller ဖြစ်ပါတယ်။
ဒီဇာတ်ကားရဲ့ ရိုက်ကူးရေးကိုတော့ ပြီးခဲ့တဲ့ ကြာသပတေးနေ့ကပဲ ပြီးစီးခဲ့တာ ဖြစ်ပြီး ခက်ထန်ကြမ်းတမ်းတဲ့ အမျိုးသမီးဇာတ်ကောင် Furiosa နေရာမှာ သရုပ်ဆောင်ခွင့် ရရှိတဲ့အတွက် ကျေးဇူးတင်ကြောင်း Anya Taylor-Joy က သူမရဲ့အင်စတာဂရမ်မှာ ပြောထားပါတယ်။
“တကယ့်အတွေ့အကြုံတစ်ခုပါပဲ။ ကျွန်မနဲ့အတူ ဒီခရီးကြမ်းကို ဖြတ်သန်းခဲ့ကြတဲ့ Wasteland က လူအားလုံးကို ကျေးဇူးတင်ပါတယ်။ ပျော်ရွှင်စရာအကောင်းဆုံး၊ ဒူပေနာပေအခံရဆုံးနဲ့ စွမ်းဆောင်ရည်အရှိဆုံးသူတွေပါပဲ …”
“ဒီလိုဇာတ်ကောင်ကို သရုပ်ဆောင်ခွင့်ရတာရော၊ အားလုံးနဲ့အတူ ပူးပေါင်းဖန်တီးခွင့် ရတာရောက ကျွန်မအတွက် ဂုဏ်ယူစရာလည်းဟုတ်သလို ကျေးဇူးတင်စရာလည်းကောင်းပါတယ်။ ကျွန်မထင်တာထက် ကိုယ့်ကိုယ်ကို ခက်ထန်ကြမ်းတမ်းလာအောင် ကူညီပေးခဲ့ကြသူတွေကိုလည်း ကျေးဇူးတင်ပါတယ်။ မီးတောက်မီးလျှံတွေ၊ သွေးတွေနဲ့ လောင်စာဆီတွေနဲ့ပေါ့ …” လို့ Anya Taylor-Joy က ပြောထားပါတယ်။
Vancouver
Source: people