The Boys ဇာတ်လမ်းတွဲရဲ့ Spin-Off စီးရီးဖြစ်တဲ့ Gen V ရဲ့ First Look ကတော့ မကြာခင်ကပဲ ထွက်ရှိလာပါတယ်။ ကောလိပ်ကျောင်းတစ်ခုမှာ ဇာတ်အိမ်တည်ထားပြီး Supe တွေကို ဖန်တီးဖို့အတွက် Vought ရဲ့ လျှို့ဝှက်စမ်းသပ်မှုတွေမှာ ပါဝင်နေတဲ့ လူငယ်တွေကို မြင်တွေ့ရမှာ ဖြစ်ပါတယ်။ ဒီဇာတ်လမ်းတွဲကတော့ ပြီးခဲ့တဲ့ စက်တင်ဘာလမှာ ရိုက်ကူးရေး ပြီးဆုံးခဲ့ပြီ ဖြစ်ပေမယ့် ထွက်ရှိလာမယ့် ရက်ကိုတော့ မကြေညာသေးပါဘူး။
The Boys ဇာတ်လမ်းတွဲကတော့ သွေးသံရဲရဲတွေနဲ့ ကလေးသူငယ်တွေ မကြည့်ရှုသင့်တဲ့ ဇာတ်ဝင်ခန်းတွေ ပါဝင်သလို Spin-Off ဖြစ်တဲ့ Gen V ကတော့ The Boys ထက်တောင် ပိုပြီးကြမ်းတမ်းလိမ့်မယ်လို့ ဆိုပါတယ်။ ဒီဇာတ်လမ်းတွဲဟာ R-Rated ဖြစ်နေမှာကိုတော့ အထူးတလည် ပြောစရာမလိုလောက်အောင်ပဲ ဒီထွေလာထဲက ဇာတ်ဝင်ခန်းအများစုမှာ ဇာတ်ကောင်တွေဟာ သွေးတွေနဲ့ စိုရွှဲနေတာကို တွေ့ရပါတယ်။
ယခုဆိုရင်တော့ CCXP ပွဲမှာ Prime Video ဟာ Gen V ရဲ့ First Look ကို ပြသသွားပါတယ်။ ဒီထွေလာထဲမှာတော့ The Boys ထဲက ဇာတ်ကောင်တွေ ဖြစ်တဲ့ A-Train နဲ့ Ashley တို့ကိုလည်း မြင်တွေ့ခဲ့ရသလို လူငယ်ဇာတ်ကောင်အသစ်တွေများစွာလည်း ပါဝင်ထားပါတယ်။ ဒီထွေလာကိုတော့ အောက်မှာ ဆက်လက်ကြည့်ရှုနိုင်ပါတယ်။
ဒီဇာတ်လမ်းတွဲထဲမှာတော့ လူငယ်သရုပ်ဆောင်တွေ ဖြစ်တဲ့ Lizzie Broadway ၊ Jazz Sinclair ၊ Chance Perdomo နဲ့ Maddie Phillips တို့ ပါဝင်သရုပ်ဆောင်ထားပါတယ်။ သတင်းတစ်ခုအရ ဆိုရင်တော့ Gen V ဇာတ်လမ်းတွဲဟာ The Boys Season 3 နဲ့ တစ်ချိန်တည်းမှာ ဖြစ်ပျက်နေတယ်လို့ ဆိုပါတယ်။ ဒါကြောင့်ပဲ ဒီဇာတ်လမ်းတွဲဟာလည်း The Boys ပရိသတ်တွေအကြိုက် ဖြစ်လာဦးမှာပါ။
Legos
Source: Screenrant