မကြာသေးခင်ကပဲ Marvel စတူဒီယိုဟာ ယခုနှစ် ၂၀၂၂ ခုနှစ်အတွင်းမှာ ထွက်ရှိလာနိုင်ချေရှိတဲ့ ပရောဂျက်တွေကို ကြေညာလိုက်ပြီ ဖြစ်ပါတယ်။ ဒီကြေညာချက်အရ ဆိုရင်တော့ ပရိသတ်တွေ စောင့်မျှော်နေကြတဲ့ What If…? Season 2 နဲ့ Secret Invasion ဇာတ်လမ်းတွဲတို့ကလည်း ယခုနှစ်အတွင်းမှာပဲ ထွက်ရှိလာမယ်လို့ သိရပါတယ်။ ၂၀၂၂ ခုနှစ်အတွင်းမှာ ထွက်ရှိလာမယ့် MCU ပရောဂျက်တွေကတော့ ဆယ်ခုနီးပါးလောက်တောင် ရှိနေတာကိုလည်း တွေ့ရှိခဲ့ရပါတယ်။
၂၀၁၉ ခုနှစ် San Diego မှာ ကျင်းပခဲ့တဲ့ Comic-Con ပွဲမှာကတည်းက Marvel ဟာ Phase 4 ရဲ့ အစီအစဉ်တွေကို ကြေညာခဲ့တာ ဖြစ်ပါတယ်။ အဲ့ဒီအချိန်က စတင်ပြီး တစ်ကမ္ဘာလုံးကို ဒုက္ခပေးနေတဲ့ ကိုဗစ်ကြောင့် MCU ပရောဂျက်တွေဟာ အကြိမ်များစွာ နှောင့်နှေးမှုတွေ ဖြစ်ခဲ့ရပါတယ်။ ဒါပေမယ့်လည်း ၂၀၂၁ ခုနှစ်မှာတော့ Marvel ဟာ ရုပ်ရှင် (၄)ကားနဲ့ ဇာတ်လမ်းတွဲ (၅)ခုတို့ကို ထုတ်လုပ်နိုင်ခဲ့ပြီး ယခုနှစ်မှာလည်း အလားတူပဲ ထပ်မံထွက်ရှိလာဦးမှာ ဖြစ်ပါတယ်။
ဂျပန်နိုင်ငံအတွက် Marvel က သီးသန့်ဖန်တီးပေးထားတဲ့ Marvel’s Japan Website ရဲ့ ဖော်ပြချက်အရ ဆိုရင်တော့ ယခုနှစ်အတွင်းမှာ Moon Knight ၊ She-Hulk ၊ I Am Groot ၊ What If…? Season 2 ၊ Ms. Marvel နဲ့ Secret Invasion ဇာတ်လမ်းတွဲတွေ ထွက်ရှိလာမှာ ဖြစ်ပါတယ်။ ရုပ်ရှင်အနေနဲ့ဆိုရင်တော့ Doctor Strange in the Multiverse of Madness ၊ Thor: Love and Thunder နဲ့ Black Panther: Wakanda Forever သုံးကား ထွက်ရှိလာမယ်လို့ ဖော်ပြထားပါတယ်။
Secret Invasion ကတော့ ယခုနှစ်အတွင်း ထွက်ရှိလာမယ်လို့ မဖော်ပြထားဘဲ “Coming Soon on Disney Plus” လို့ပဲ ဖော်ပြထားပါတယ်။ အကယ်၍ ဒီ Time Slot သာ အကြောင်းအမျိူးမျိူးနဲ့ မပြောင်းလဲသွားဘူးဆိုရင်တော့ What If…? Season 2 ကိုလည်း ယခုနှစ်အတွင်းမှာ ကြည့်ရှုရမှာ ဖြစ်ပါတယ်။
What If…? ဇာတ်လမ်းတွဲကတော့ Animation ဖြစ်တာကြောင့် ရုပ်ရှင်တွေ ရိုက်ကူးရတဲ့ အချိန်လောက် မကြာမြင့်တာကြောင့် အခုလို စောစောကြည့်ရှုခွင့်ရတာ ဖြစ်နိုင်ပါတယ်။ အသံသရုပ်ဆောင်တွေကလည်း သူတို့တွေ အားတဲ့အချိန်မှာ တစ်ယောက်ချင်းစီ အသံသွင်းထားနိုင်ပြီး ရုပ်ရှင်တွေလို သရုပ်ဆောင်တွေ အကုန်လုံး အားတဲ့အချိန်ကို စောင့်နေစရာ မလိုပါဘူး။ Season 1 ကတော့ Cliffhanger တွေနဲ့ ဇာတ်သိမ်းထားတာကြောင့် Season 2 မှာတော့ ဘယ်လိုဇာတ်လမ်းတွေ မြင်တွေ့ရမလည်းဆိုတာ စိတ်ဝင်စားစရာပဲ ဖြစ်ပါတယ်။
Legos
Source: Screenrant