မကြာသေးခင်ကပဲ Netflix ဟာ Red Notice 2 နဲ့ 3 တို့ ထပ်မံထွက်ရှိလာဦးမယ်လို့ ကြေညာလိုက်ပါတယ်။ ဒါ့အပြင် အဓိကသရုပ်ဆောင်သုံးယောက် ဖြစ်တဲ့ Dwayne Johnson ၊ Gal Gadot နဲ့ Ryan Reynolds တို့လည်း ပြန်လည်ပါဝင်လာဦးမယ်လို့ မျှော်လင့်ရပါတယ်။ ဒီရုပ်ရှင်ထဲမှာတော့ Dwayne Johnson ဟာ FBI အေးဂျင့်အနေနဲ့ ပါဝင်ထားပြီး Ryan Reynolds နဲ့ Gal Gadot တို့ကတော့ သူခိုးတွေအဖြစ် ပါဝင်ထားပါတယ်။
![](https://sanyitwine.com/wp-content/uploads/2022/01/3-16.png)
Rawson Marshall Thurber ကတော့ ဒီရုပ်ရှင်ရဲ့ ဒါရိုက်တာ၊ ဇာတ်ညွှန်းရေးသူနဲ့ ထုတ်လုပ်သူအဖြစ် ပါဝင်ထားပါတယ်။ မူလတုန်းကတော့ Universal Pictures နဲ့ Legendary Entertainment တို့က ဒီရုပ်ရှင်ကို ဖန်တီးခဲ့တာဖြစ်ပြီး ကိုဗစ်ကြောင့် ရုံမတင်နိုင်တော့တဲ့အချိန်မှာ Netflix က မူပိုင်ခွင့်ကို ဝယ်ယူပြီး ပြသခဲ့တာ ဖြစ်ပါတယ်။ ဒီရုပ်ရှင်ဟာ ပရိသတ်တွေကြားမှာလည်း ရေပန်းစားနေပြီး လောလောဆယ်မှာတော့ Netflix ရဲ့ လူအကြည့်အများဆုံး ရုပ်ရှင်စာရင်းမှာ နံပါတ်တစ် ဖြစ်နေပါတယ်။
ဒီရုပ်ရှင်ထွက်ရှိလာပြီး လအနည်းငယ် ကြာမြင့်တဲ့အချိန်မှာတော့ Netflix ဟာ Red Notice 2 နဲ့ 3 တို့ကို ထပ်မံဖန်တီးသွားမယ့်အကြောင်း Deadline သတင်းဌာနက ဖော်ပြခဲ့ပါတယ်။ လောလောဆယ်မှာတော့ Netflix ဟာ ဒီရုပ်ရှင်တွေအတွက် ပြင်ဆင်နေပြီ ဖြစ်ပြီး Rawson Marshall Thurber ကပဲ ဇာတ်ညွှန်းဆရာအဖြစ် ပါဝင်လာမှာ ဖြစ်သလို Dwayne Johnson ၊ Gal Gadot နဲ့ Ryan Reynolds တို့လည်း ပြန်လည်ပါဝင်လာမယ်လို့ မျှော်လင့်ရပါတယ်။
![](https://sanyitwine.com/wp-content/uploads/2022/01/2-18.png)
ဒါ့အပြင် ဒီသရုပ်ဆောင် သုံးယောက်ရဲ့ အချိန်ဇယားတွေပေါ် မူတည်ပြီး Netflix ဟာ ဒီရုပ်ရှင်နှစ်ကားကို ၂၀၂၃ ခုနှစ် အစောပိုင်းမှာ ဆက်တိုက် ရိုက်ကူးသွားမယ်လို့ သိရပါတယ်။ ဒီရုပ်ရှင်ထွက်ပြီး မကြာခင်မှာပဲ Rawson Marshall Thurber ဟာ Red Notice 2 နဲ့ 3 တို့ ထွက်ရှိလာမယ်လို့ အတည်ပြုပေးခဲ့တာ ဖြစ်ပြီး ဒီသတင်းအရ ဆိုရင်တော့ Netflix ဟာ Red Notice ကို ပရိသတ်တွေ ကြိုက်နှစ်သက်တဲ့ Franchise တစ်ခု ဖြစ်လာအောင် ပြုလုပ်သွားမယ်လို့ ယူဆရပါတယ်။
Legos
Source: Screenrant