Dwayne Johnson နဲ့ Chris Evans တို့ အဓိက ဦးဆောင်ပါဝင်ထားတဲ့ ဟာသအက်ရှင်ဇာတ်ကား Red One ကတော့ မကြာသေးခင်ကပဲ ထွေလာ ထွက်ရှိထားပါတယ်။
ဇာတ်လမ်းကတော့ Red One လို့ လူသိများကြတဲ့ ဆန်တာကလော့စ်ဟာ ခရစ်စမတ်မတိုင်ခင်မှာပဲ ပျောက်ဆုံးသွားပြီး ပြ-န်ပေးဆွဲခံလိုက်ရပါတယ်။ ဒီမှာတင် မြောက်ဝင်ရိုးစွန်းရဲ့ လုံခြုံရေးခေါင်းဆောင်အဖြစ် တာဝန်ယူထားရတဲ့ Callum Drift (Dwayne Johnson)အတွက် ခေါင်းကျိန်းစရာ ဖြစ်လာပြီး ပျောက်သွားတဲ့ ဆန်တာကို ပြန်ရှာဖို့ လူဆိုးစာရင်းဝင်တစ်ယောက် ဖြစ်တဲ့ Jack O’Malley (Chris Evans)နဲ့ ပူးပေါင်းရပါတော့တယ်။
Jumanji: Welcome to the Jungle ကို ရိုက်ကူးခဲ့တဲ့ ဒါရိုက်တာ Jake Kasdan က ရိုက်ကူးထားပြီး Fast & Furious ဇာတ်ကားတွေကို တာဝန်ယူ ရေးသားပေးခဲ့တဲ့ Chris Morgan က ဇာတ်ညွှန်းရေးသားထားပါတယ်။
Cast အပြည့်အစုံကတော့ Dwayne Johnson ၊ Chris Evans ၊ Kiernan Shipka ၊ Lucy Liu ၊ J.K. Simmons အစရှိတဲ့ သရုပ်ဆောင်တွေ ပါဝင်ထားပါတယ်။
လာမယ့် နိုဝင်ဘာလ (၁၅)ရက်နေ့မှာ ရုံတင်ပြသသွားမှာ ဖြစ်ပါတယ်။
Admin – Vancouver
Source: THR