Spider-Man: No Way Home ရဲ့ Blu-Ray ဗားရှင်းမှာတော့ Tobey Maguire ၊ Andrew Garfield နဲ့ Tom Holland တို့ရဲ့ Deleted Scene တွေ ပါဝင်သွားမယ်လို့ သိရပါတယ်။
ဒီရုပ်ရှင်ကတော့ ရုံတင်ထားတာ တစ်လခွဲလောက် ရှိနေပြီ ဖြစ်ပြီး မကြာခင်မှာ ရုံချသွားတော့မှာ ဖြစ်ပါတယ်။ ဒါကြောင့်လည်း Sony ဟာ ဒီရုပ်ရှင်ရဲ့ Blu-Ray ဗားရှင်းအတွက် ပြင်ဆင်မှုတွေ ပြုလုပ်နေပြီး ရုံတင်သွားတဲ့ ဗားရှင်းမှာ မပါဝင်တဲ့ ဇာတ်ဝင်ခန်းတွေလည်း ပါဝင်လာမှာ ဖြစ်ပါတယ်။
No Way Home ထဲမှာတော့ Spider-Man သုံးယောက်လုံးကို အတူတကွ မြင်တွေ့ရတာ ပထမဆုံးအကြိမ် ဖြစ်ပြီး အဲ့ဒီအချက်ကြောင့်လည်း ပရိသတ်တွေကြားမှာ အလွန်ရေပန်းစားနေပါတယ်။ ဒီရုပ်ရှင် ထွက်မလာခင်တုန်းကတော့ Tobey Maguire နဲ့ Andrew Garfield တို့ ပါဝင်လာမယ်လို့ သတင်းတွေမျိူးစုံ ထွက်လာခဲ့သလို ရိုက်ကွင်းပေါ်က ဓာတ်ပုံအချို့လည်း ပေါက်ကြားလာခဲ့ပါသေးတယ်။ ဒါပေမယ့်လည်း Spider-Man သုံးယောက် ပါဝင်မယ့်အကြောင်းကို Marvel နဲ့ Sony ဟာ ရုပ်ရှင် ထွက်မလာခင်အထိ အတည်မပြုခဲ့ပါဘူး။
ပရိသတ်တွေ တောင့်တခဲ့တဲ့ Spider-Man သုံးယောက်ရဲ့ ဇာတ်ဝင်ခန်းအချို့ကတော့ ရုံတင်တဲ့ ဗားရှင်းမှာ ဖျက်ချခံခဲ့ရပြီး ယခုဆိုရင်တော့ အဲ့ဒီဇာတ်ဝင်ခန်းတွေကိုပါ ကြည့်ရှုနိုင်တော့မှာ ဖြစ်ပါတယ်။ Blu-Ray ဗားရှင်းမှာတော့ ရုံတင်တဲ့ ဗားရှင်းမှာ မကြည့်ခဲ့ရတဲ့ ဇာတ်ဝင်ခန်းတွေ အပါအဝင် ရိုက်ကွင်းနောက်ကွယ်က အမှတ်တရ မှတ်တမ်းတင် ဗွီဒီယိုတွေကိုပါ ကြည့်ရရမှာ ဖြစ်ပါတယ်။ အောက်မှာဖော်ပြထားတဲ့ စာရင်းကတော့ ပါဝင်လာမယ့် Deleted Scene တွေနဲ့ ရိုက်ကွင်းနောက်ကွယ်က အမှတ်တရ မှတ်တမ်း ဗွီဒီယိုကလစ်တွေပဲ ဖြစ်ပါတယ်။
Deleted Scene တွေထဲမှာတော့ Spider-Man သုံးယောက်ရဲ့ ဇာတ်ဝင်ခန်းတွေတင် မဟုတ်ဘဲ Daredevil ရဲ့ ဇာတ်ဝင်ခန်းတွေလည်း ပါဝင်နေပါတယ်။ Daredevil ရဲ့ ဖျက်ချခံလိုက်ရတဲ့ ဇာတ်ဝင်ခန်းကတော့ တစ်မိနစ်ခွဲလောက် ကြာမြင့်ပြီး အဲ့ဒီဇာတ်ဝင်ခန်းတွေကိုပါ Blu-Ray ဗားရှင်းမှာ မြင်တွေ့ရမှာ ဖြစ်ပါတယ်။ ယခုဆိုရင်တော့ No Way Home ရုပ်ရှင်ကို လူတိုင်းနီးပါး ကြည့်ရှုပြီးသွားပြီ ဖြစ်ပေမယ့်လည်း ဒီအချက်တွေကြောင့်ပဲ Blu-Ray ဗားရှင်း ထပ်မံထွက်ရှိလာရင်လည်း ပြန်လည် ကြည့်ရှုသင့်တယ်လို့ အကြံပေးချင်ပါတယ်။
Legos
Source: Screenrant