မကြာသေးခင်ကပဲ Netflix ဟာ ရုရှားအတွက် Streaming Service ကို ရပ်ဆိုင်းလိုက်ပြီလို့ ကြေညာလိုက်ပါတယ်။ အကြောင်းကတော့ ပြီးခဲ့တဲ့လမှာ စတင်ခဲ့တဲ့ ရုရှားရဲ့ ယူကရိန်းနိုင်ငံအပေါ် ကျူးကျော်စစ် ဆင်နွှဲခဲ့တဲ့အတွက်ကြောင့် ဖြစ်ပါတယ်။ Netflix ကတော့ ရုရှားမှာ သူ့ရဲ့ဆားဗစ်ကို စတင်ပေးခဲ့တာ တစ်နှစ်တောင် မရှိသေးဘဲ Subscriber ကလည်း တစ်သန်းတောင် မပြည့်သေးပါဘူး။
![](https://sanyitwine.com/wp-content/uploads/2022/03/2-18.jpg)
ယခုဆိုရင်တော့ ရုပ်ရှင်စတူဒီယိုတွေ ဖြစ်တဲ့ Warner Bros. ၊ Disney ၊ Sony နဲ့ Paramount တို့ကလည်း သူတို့ရဲ့ ပရောဂျက်တွေကို ရုရှားမှာ ပြသဖို့အတွက် ရပ်ဆိုင်းထားပါတယ်။ ဖေဖော်ဝါရီလ (၂၄)ရက်နေ့မှာတော့ ရုရှားဟာ ယူကရိန်းကို ဒုံးကျည်တွေနဲ့ စတင်တိုက်ခိုက်ခဲ့ပြီး ယူကရိန်းရဲ့မြို့တော် ဖြစ်တဲ့ ကီယက်မြို့အပြင် တခြားမြို့တွေ အများအပြားဟာလည်း ထိခိုက်ပျက်စီးမှုတွေ ဖြစ်ပေါ်နေပါတယ်။
Netflix က ရုရှားနိုင်ငံအတွက် Streaming Service ကို ရပ်ဆိုင်းထားတယ်ဆိုတဲ့ သတင်းကိုတော့ Deadline သတင်းဌာနက ဖော်ပြခဲ့တာ ဖြစ်ပါတယ်။ လောလောဆယ်မှာတော့ Netflix ဟာ ရုရှားက Subscriber တွေကို သူတို့သွင်းထားတဲ့ ပိုက်ဆံတွေ ပြန်အမ်းပေးသွားမှာလား ဆိုတာကိုတော့ မကြေညာသေးပါဘူး။ ဒါ့အပြင် Zato လို့ခေါ်တဲ့ ရုရှားရုပ်ရှင်ကိုလည်း ရိုက်ကူးရေး ရပ်နားလိုက်တယ်လို့ သိရပါတယ်။
![](https://sanyitwine.com/wp-content/uploads/2022/03/3-12.jpg)
Deadline သတင်းဌာနရဲ့ ဖော်ပြချက်အရ Netflix ဟာ နောက်ထပ် ရုရှားရုပ်ရှင်နှစ်ကားကို ရိုက်ကူးပြီးပြီ ဖြစ်ပြီး အဲ့ဒီရုပ်ရှင်နှစ်ကားကိုတော့ ပြသသွားမှာလား၊ မပြသဘူးလား ဆိုတာကိုတော့ မဆုံးဖြတ်ရသေးဘူးလို့ သိရပါတယ်။ အဲ့ဒီနှစ်ကားထဲက တစ်ကားကတော့ Anna K ဆိုတဲ့ ရုပ်ရှင်ဖြစ်ပြီး ဒီရုပ်ရှင်ဟာ Netflix ရဲ့ ပထမဆုံး ရုရှား Original ရုပ်ရှင်လည်း ဖြစ်ပါတယ်။
Legos
Source: Screenrant