Amazon ရဲ့ နာမည်ကြီး စူပါဟီးရိုးဇာတ်လမ်းတွဲတစ်ခု ဖြစ်တဲ့ The Boys ဇာတ်လမ်းတွဲကတော့ ၂၀၂၃ ခုနှစ်မှာ Spin-Off ဇာတ်လမ်းတွဲတစ်ခု ထွက်ရှိလာဦးမယ်လို့ သိရပါတယ်။ လောလောဆယ်မှာတော့ ဒီ Spin-Off ဇာတ်လမ်းတွဲဟာ Untitled ဖြစ်နေပြီး လူငယ်စူပါဟီးရိုးတွေ ရှိနေတဲ့ College Campus အကြောင်းကို ဖန်တီးသွားမယ်လို့ သိရပါတယ်။ ဒီဇာတ်လမ်းတွဲကိုတော့ Michele Fazekas နဲ့ Tara Butters တို့က ပူးတွဲဖန်တီးသွားမယ်လို့ ဆိုပါတယ်။
၂၀၂၀ ခုနှစ်ကတည်းက The Boys ဇာတ်လမ်းတွဲ ဖန်တီးသူ Eric Kripke ဟာ X-Men တွေကို Parody ပြုလုပ်ထားတဲ့ G-Men ဆိုတဲ့ စူပါဟီးရိုးအဖွဲ့တစ်ခုအကြောင်းကို ဖန်တီးသွားမယ်လို့ ကြေညာခဲ့ပါတယ်။ သို့ပေမယ့်လည်း ကိုဗစ်ကြောင့် နှောင့်နှေးမှုတွေ ဖြစ်ခဲ့ပြီး သရုပ်ဆောင်အချို့လည်း ထွက်သွားတယ်လို့ သိရပါတယ်။ ယခုအချိန်မှာတော့ Amazon ဟာ ဒီဇာတ်လမ်းတွဲကို ဖန်တီးခွင့် ပြုလိုက်ပြီ ဖြစ်တာကြောင့် ယခုနှစ်အစောပိုင်းကတည်းက ရိုက်ကူးရေး စတင်နေပြီလို့ သိရပါတယ်။
Variety သတင်းဌာနနဲ့ ပြုလုပ်တဲ့ အင်တာဗျူးထဲမှာတော့ The Boys Season 4 ကို ဘယ်အချိန်မှာ မြင်တွေ့ရမလည်းလို့ Amazon ရဲ့ဥက္ကဌကို မေးမြန်းခဲ့ပါတယ်။
“Season 4 က ဘယ်အချိန် ထွက်လာမလည်းဆိုတာ ကျွန်တော်လည်း အတိအကျ မပြောနိုင်ပါဘူး။ ဒါပေမယ့် Spin-off ဇာတ်လမ်းတွဲအသစ်က ရှေ့နှစ်ထဲမှာ ထွက်လာမှာကိုတော့ စိတ်လှုပ်ရှားနေပါတယ်။ အဲဒီဇာတ်လမ်းတွဲကလည်း တကယ်ကို ကောင်းမွန်ပြီး ပရိသတ်တွေ စိတ်ကျေနပ်စေနိုင်မယ်လို့ ထင်ပါတယ် …”
လောလောဆယ်မှာတော့ The Boys Season 3 ကို ထုတ်လွှင့်ပြသနေပြီ ဖြစ်ပြီး ရုပ်ရှင်ဝေဖန်ရေးတွေနဲ့ ပရိသတ်တွေရဲ့ ကောင်းမွန်တဲ့ မှတ်ချက်တွေ ရရှိထားပါတယ်။ Season 3 ပြီးဆုံးသွားပြီး Season 4 ကို စောင့်မျှော်နေတဲ့ အချိန်မှာတော့ Spin-Off ဇာတ်လမ်းတွဲအသစ် ထွက်ရှိလာဦးမှာ ဖြစ်တာကြောင့် ပရိသတ်တွေအနေနဲ့တော့ တောက်လျှောက်ကို Hype နေရမှာ ဖြစ်ပါတယ်။ လောလောဆယ်မှာတော့ ဒီ Spin-Off ဇာတ်လမ်းတွဲရဲ့ ထွက်ရှိလာမယ့် ရက်အတိအကျကို မသိရသေးပါဘူး။
Legos
Source: Screenrant