မကြာသေးခင်ကပဲ Venom 3 ဆက်လက် ထွက်ရှိလာမယ့်အကြောင်းကို Sony က တရားဝင် ကြေညာလိုက်ပြီ ဖြစ်ပါတယ်။ Sony ဟာ Spider-Man Universe ကို ဒုတိယအကြိမ် ထပ်မံဖန်တီးတဲ့ အချိန်မှာတော့ Venom ကို ပထမဆုံး ပွဲဦးထွက်စေခဲ့ပြီး ပရိသတ်တွေရဲ့ အကြိုက်နဲ့ ကိုက်ညီခဲ့ပါတယ်။ ပထမရုပ်ရှင်ကတော့ ဝေဖန်ချက်မျိူးစုံ ရရှိခဲ့ပေမယ့်လည်း Box-Office မှာ ဝင်ငွေအရ အခြေအနေ ကောင်းခဲ့တာကြောင့် Venom: Let There Be Carnage ကို ဆက်လက် ဖန်တီးခဲ့ပါတယ်။
![](https://sanyitwine.com/wp-content/uploads/2022/04/3-29.jpg)
Let There Be Carnage ရုပ်ရှင်ထဲက အဖြစ်အပျက်တွေဟာလည်း နောက်ထပ် Sequel ကို ထပ်မံ ဖန်တီးဖို့အတွက် လမ်းစဖွင့်ပေးထားပြီး Tom Hardy ဟာလည်း No Way Home ထဲမှာ Cameo အနေနဲ့ ပါဝင်ခဲ့ပါသေးတယ်။ ဒီရုပ်ရှင်ဟာလည်း ဝေဖန်ချက်မျိူးစုံကို ရရှိခဲ့ပေမယ့် Box-Office မှာတော့ ဝင်ငွေ ဒေါ်လာသန်းငါးရာကျော် ရရှိခဲ့ပါတယ်။ ဒါကြောင့်ပဲ ယခုအချိန်မှာတော့ Sony ဟာ နောက်ထပ် Sequel ကို ထပ်မံဖန်တီးသွားဦးမှာ ဖြစ်ပါတယ်။
CinemaCon ပွဲ အဆုံးသတ်မှာတော့ Sony ရဲ့ အသစ်ထွက်ရှိလာမယ့် ပရောဂျက်တွေကို ပြသသွားပါတယ်။ အဲဒီအချိန်မှာပဲ Venom 3 ထပ်မံထွက်ရှိလာဦးမယ် ဆိုတာကို မြင်တွေ့ခဲ့ရတာ ဖြစ်ပြီး Tom Hardy ပဲ ဆက်လက် ပါဝင်မယ် ဆိုတာကလွဲရင် ဒီရုပ်ရှင်ထဲမှာ ဘယ်သူတွေ ပါဝင်လာမယ်ဆိုတာနဲ့ ဘယ်လိုဇာတ်လမ်းတွေကို မြင်တွေ့ရမယ် ဆိုတာတွေကိုတော့ မသိရသေးပါဘူး။
![](https://sanyitwine.com/wp-content/uploads/2022/04/2-38.jpg)
ယခုနှစ်ထဲမှာတော့ Sony ဟာ Mobius ရုပ်ရှင်ကို ရုံတင်ပြသထားပြီး ဒီနှစ်ကုန်တဲ့အထိ Sony ရဲ့ တခြား Marvel ရုပ်ရှင်တွေတော့ ထွက်လာဦးမှာ မဟုတ်ပါဘူး။ ၂၀၂၃ ခုနှစ်မှာတော့ Kraven the Hunter နဲ့ Madame Web တို့အပြင် Spider-Man: Across the Spider-Verse တို့ ထွက်ရှိလာမှာ ဖြစ်ပါတယ်။ ဒါကြောင့်ပဲ Venom 3 ကတော့ ၂၀၂၄ ခုနှစ်၊ ဒါမှမဟုတ် ၂၀၂၅ ခုနှစ်လောက်မှာ ထွက်ရှိလာနိုင်ပါတယ်။ အသစ်ထွက်ရှိလာမယ့် Venom 3 ထဲမှာတော့ MCU နဲ့ ဘယ်လို ချိတ်ဆက်မှုမျိူးတွေ ရှိလာဦးမလည်းဆိုတာ စောင့်ကြည့်ရမှာပဲ ဖြစ်ပါတယ်။
Legos
Source: Screenrant