ဒါရိုက်တာ Matt Reeves ရိုက်ကူးထားပြီး သရုပ်ဆောင် Robert Pattinson သရုပ်ဆောင်ထားတဲ့ The Batman ရုပ်ရှင်ကတော့ ၂၀၂၂ ခုနှစ်ရဲ့ ပြန်လည်ကြည့်ရှုမှု အများဆုံးရုပ်ရှင် ဖြစ်တယ်လို့ Letterboxd က ဖော်ပြထားပါတယ်။ ဒီရုပ်ရှင်ထဲမှာတော့ Bruce Wayne ရဲ့ Batman ဖြစ်ခါစအချိန်ကို မြင်တွေ့ရမှာ ဖြစ်ပြီး Riddler နဲ့ ပထမဆုံးအကြိမ် ရင်ဆိုင်ရတာကို ကောမစ်ဇာတ်လမ်းတွေထက် စုံထောက်ဇာတ်လမ်းဆန်ဆန် ပုံဖော်ထားတာ ဖြစ်ပါတယ်။
![](https://sanyitwine.com/wp-content/uploads/2023/01/3-9.jpg)
ဒီရုပ်ရှင်ရဲ့ အဓိကဗီလိန်ကတော့ Riddler ဖြစ်ပေမယ့်လည်း Penguin ကိုလည်း ဒုတိယဗီလိန်အနေနဲ့ မြင်တွေ့ခဲ့ရပါသေးတယ်။ ဒါ့အပြင် Penguin ရဲ့ Spin-Off ဇာတ်လမ်းတွဲလည်း ထွက်ရှိလာဦးမှာ ဖြစ်ပါတယ်။ ဒီရုပ်ရှင်ထဲက အဖျက်ခံလိုက်ရတဲ့ Credit Scene တစ်ခုမှာလည်း Batman ဟာ Joker နဲ့ စကားပြောနေတာကို တွေ့ခဲ့ရပါသေးတယ်။ ဒါကြောင့်ပဲ အသစ်ထွက်ရှိလာမယ့် Batman 2 ထဲမှာတော့ ပိုမိုစိတ်ဝင်စားဖို့ကောင်းတဲ့ ဇာတ်လမ်းတွေကို မြင်တွေ့ရဦးမှာ ဖြစ်ပါတယ်။
Letterboxd ကတော့ ဆိုရှယ်မီဒီယာ ဆားဗစ်တစ်ခုဖြစ်ပြီး ဒီ Platform ကို အသုံးပြုနေတဲ့ User ပေါင်းသန်းနဲ့ချီ ရှိနေပါတယ်။ မကြာသေးခင်ကပဲ The Batman ရုပ်ရှင်ဟာ “Most Obsessively Rewatched Film” ဖြစ်တယ်လို့ Letterboxd က ဖော်ပြထားပါတယ်။ ဒါကြောင့်ပဲ The Batman ရုပ်ရှင်ဟာ ဒီစာရင်းမှာ အခြားနာမည်ကြီးရုပ်ရှင်တွေ ဖြစ်တဲ့ Top Gun: Maverick ၊ Everything Everywhere All at Once နဲ့ Spider-Man: No Way Home တို့ကိုတောင် ကျော်တက်သွားတာ ဖြစ်ပါတယ်။
![](https://sanyitwine.com/wp-content/uploads/2023/01/1-12.jpg)
ပရိသတ်တွေကလည်း ဒါရိုက်တာ Matt Reeves ဖန်တီးထားတဲ့ Gotham မြို့ကြီးနဲ့ Batman ကို သဘောကျနေကြပြီး အချို့ဆိုရင် ဒါရိုက်တာ Matt Reeves ဖန်တီးထားတဲ့ Gotham မြို့ကြီးဟာ ထွက်ရှိခဲ့ဖူးသမျှ Batman ရုပ်ရှင်တိုင်းထက် ကောမစ်နဲ့အနီးစပ်ဆုံး ဖြစ်တယ်လို့တောင် ပြောနေကြပါတယ်။ ဒါကြောင့်ပဲ ပရိသတ်တွေဟာ ဒါရိုက်တာ Matt Reeves ရဲ့ Batman 2 ကို စောင့်မျှော်နေကြပေမယ့် လောလောဆယ်မှာတော့ ဘယ်အချိန်မှာ ထွက်ရှိလာမယ် ဆိုတာ သေချာမသိရသေးပါဘူး။
Legos
Source: Screenrant