𝐂𝐎𝐌𝐈𝐂 𝐔𝐏𝐃𝐀𝐓𝐄: Marvel ကောမစ်ထဲမှာ God တစ်ယောက် ဖြစ်လာတဲ့ Iron Man

Iron Man ဟာ အလွန်ဉာဏ်ကောင်းသူတစ်ယောက် ဖြစ်တယ်ဆိုတာ MCU ပရိသတ်တွေရော၊ Marvel ပရိသတ်တွေပါ သိကြပါတယ်။ ဒါပေမယ့်လည်း အခုဆိုရင်တော့ Iron Man ဟာ God အဆင့်ထိတောင် ဉာဏ်ကောင်းတယ်ဆိုတာကို Marvel က ဖော်ပြလိုက်ပါတယ်။

ဒီအချက်ကိုတော့ Iron Man Vol. 6 #15 ကောမစ် ရဲ့ Preview မှာ မြင်တွေ့ခဲ့ရတာ ဖြစ်ပါတယ်။ ဒီ Preview ထဲမှာတော့ Iron Man ဟာ God တစ်ယောက်ဖြစ်တဲ့ Korvac နဲ့ အာကာသထဲမှာ တိုက်ခိုက်နေတာကို မြင်တွေ့ခဲ့ရပါတယ်။ ပြီးခဲ့တဲ့ Issue တွေထဲမှာတော့ Korvac ဟာ Galactus ဆီကနေ Cosmic Power တွေကို ခိုးယူဖို့ ကြိုးစားခဲ့ပါတယ်။ Korvac နဲ့ သူ့ရဲ့အစီအစဉ်တွေကြားမှာ ရပ်တည်နေသူကတော့ Iron Man ပဲ ဖြစ်ပြီး Iron Man ကို ကူညီပေးနေသူတွေကတော့ Hellcat ၊ Ben Reilly နဲ့ Forgman တို့ပဲ ဖြစ်ပါတယ်။

Iron Man နဲ့ Korvac တို့ နှစ်ယောက်လုံးဟာ Taa II ဆိုတဲ့ Galactus ယာဉ်ပေါ်ကို ရောက်ရှိလာပြီး Cosmic Power တွေ ရရှိသွားစေမယ့် Transmutation Chamber ထဲကို ဖြတ်သန်းခဲ့ကြပါတယ်။ အဲ့ဒီအချိန်မှာတော့ Iron Man ဟာ သူ့ရဲ့ဘဝတစ်ခုလုံးကို ပြန်လည်မြင်တွေ့ခဲ့ရပြီး Iron God အနေနဲ့ ပြန်လည်မွေးဖွားလာပါတယ်။ ဒါကြောင့်ပဲ အခုချိန်မှာတော့ Iron Man ဟာ Cosmic Power တွေကို ပိုင်ဆိုင်သွားပြီး Iron God ဖြစ်သွားပါပြီ။

ဒီ Preview ရဲ့ အစမှာတော့ Iron God နဲ့ Korvac တို့နှစ်ယောက် တိုက်ခိုက်နေတာကို မြင်တွေ့ခဲ့ရပါတယ်။ Iron God ကတော့ ဒီစွမ်းအားတွေကို ကြိုက်နှစ်သက်သွားပြီး Korvac ဟာ ဘာကြောင့် ဒီစွမ်းအားတွေကို လိုချင်နေလည်းဆိုတာ သိသွားပြီလို့ ပြောပါတယ်။ ဒါ့အပြင် Iron God ဟာ Korvac ရဲ့ တွေးခေါ်ပုံတွေဟာ စိတ်ပျက်ဖို့ကောင်းပြီး Reality ကို ပြောင်းလဲချင်တဲ့ အချက်ကလည်း ပျင်းဖို့ကောင်းတဲ့အပြင် အလွန်ရိုးစင်းလွန်းတယ်လို့ ပြောလိုက်ပါတယ်။

Iron God ကတော့ ဒီစွမ်းအားတွေကို ရရှိတာ မိနစ်ပိုင်းပဲ ရှိသေးပေမယ့်လည်း ဒီစွမ်းအားတွေနဲ့ ဘာလုပ်ရမလည်းဆိုတဲ့ အကြံဉာဏ်ပေါင်း သန်းနဲ့ချီ ရှိနေပြီး အဲဒီအကြံတွေအားလုံးဟာ Korvac ထက် သာတယ်လို့ ပြောသွားပါတယ်။

ဒီ Preview ရဲ့ အဆုံးသတ်မှာတော့ Iron God ဟာ ကမ္ဘာပေါ်မှာတင်မကဘဲ Universe တစ်ခုလုံးမှာ သူ့ကိုယ်သူ ဉာဏ်အကောင်းဆုံးလို့ ပြောသွားပါတယ်။ ဒီမှာပြသထားတဲ့အတိုင်း ဆိုရင်တော့ Iron God ဟာ God ဖြစ်ရတာကို ကြိုက်နှစ်သက်နေပြီး Korvac ကို အနိုင်ယူပြီးသွားရင်ရော God အနေနဲ့ပဲ ဆက်လက် နေထိုင်သွားမလား၊ ဘာဆက်လုပ်မလည်း ဆိုတာကိုတော့ စောင့်ကြည့်ရမှာပဲ ဖြစ်ပါတယ်။

Legos

(ဆံရစ်ဝိုင်းဝက်ဘ်ဆိုဒ်တွင် ဖော်ပြထားသော သတင်း၊ဆောင်းပါးများကို အခြားမည်သည့် ဝက်ဘ်ဆိုဒ်၊ Facebook စာမျက်နှာတွင်မျှ ကူးယူဖော်ပြခွင့် မပြုပါကြောင်း အသိပေးအပ်ပါသည်။)