Margot Robbie ဟာ မကြာသေးခင်ကပဲ Pirates of the Caribbean ရုပ်ရှင်က Cancel သွားပြီလို့ ပြောလိုက်ပေမယ့်လည်း ယခုအချိန်မှာတော့ Producer ဖြစ်သူ Jerry Bruckheimer က ဒီသတင်းကို ငြင်းပယ်သွားပါတယ်။ ၂၀၂၀ ခုနှစ်တုန်းက Disney ဟာ Pirates of the Caribbean Reboot နဲ့ Margot Robbie ပါဝင်သွားမယ့် အဓိကအမျိူးသမီးဇာတ်ဆောင် Spin-Off တစ်ခုကို ဖန်တီးနေတယ်လို့ သတင်းထွက်ခဲ့ပါတယ်။ Pirates of the Caribbean ငါးကားလုံးကို Producer လုပ်ခဲ့တဲ့ Jerry Bruckheimer ကလည်း ပြန်လည်ပါဝင်လာမယ်လို့ ဆိုပါတယ်။
ယခုအချိန်မှာတော့ ကနဦးသတင်းထွက်လာသလို Margot Robbie ရဲ့ Pirates of the Caribbean Spin-Off ရုပ်ရှင်က Cancel သွားတာ မဟုတ်ဘူးလို့ သိရပါတယ်။ Collider နဲ့ပြုလုပ်ခဲ့တဲ့ အင်တာဗျူးထဲမှာတော့ Jerry Bruckheimer ဟာ ဒီရုပ်ရှင်ကို Cancel လုပ်လိုက်တာ မဟုတ်ဘဲ Pirates of the Caribbean Reboot ကို ဦးစားပေး ဖန်တီးသွားမှာ ဖြစ်တာကြောင့် အချိန်နောက်ကျမှ ထွက်လာမယ်လို့ ဆိုပါတယ်။
“ဒီရုပ်ရှင်(Spin-Off)ရဲ့ ဇာတ်ညွှန်းက တချိန်ချိန်မှာတော့ ထွက်လာမှာပါ။ ကျွန်တော်တို့က ဒီ Franchise အတွက် မတူညီတဲ့ ဇာတ်လမ်းနှစ်ခုကို ဖန်တီးနေတာကြောင့် တခြားတစ်ခု(Reboot)ကို အရင်ဦးစားပေး ဖန်တီးနေတာ ဖြစ်ပါတယ် …”
ဒီသတင်းကတော့ Margot Robbie ရဲ့ Spin-Off ကို စောင့်မျှော်နေကြတဲ့ ပရိသတ်တွေအတွက် သတင်းကောင်းတစ်ခုပဲ ဖြစ်ပါတယ်။ လောလောဆယ်မှာတော့ ဒီ Spin-Off ရဲ့ ဇာတ်လမ်းဟာ ဘယ်လိုဖြစ်လာမလည်းဆိုတာ မသိရသေးပါဘူး။ Guardians of the Galaxy ထဲက Nebula အဖြစ် လူသိများကြတဲ့ Karen Gillan ဟာလည်း ဒီရုပ်ရှင်ထဲမှာ ပါဝင်လာမယ်လို့ သတင်းထွက်နေပါသေးတယ်။ ဒီအချက်တွေကြောင့်ပဲ ဒီ Spin-Off ရုပ်ရှင်ထဲမှာတော့ အမျိူးသမီးပင်လယ်ဓားပြအုပ်စုအကြောင်းကို မြင်တွေ့ရနိုင်ချေ ရှိပါတယ်။
Legos
Source: Screenrant