နာမည်ကျော် ဆယ်လီစုံတွဲတစ်တွဲဖြစ်တဲ့ မင်းသား Lee Byung Hun နဲ့ သရုပ်ဆောင် Lee Min Jung တို့ မောင်နှံဟာ ကိုဗစ်ရောဂါ ကူးစက်ခံလိုက်ရတယ်လို့ သိရပါတယ်။
Lee Byung Hun ရဲ့ အေဂျင်စီဖြစ်တဲ့ BH Entertainment က ယနေ့ ဖေဖော်ဝါရီလ(၉)ရက်နေ့မှာ ထုတ်ပြန်တဲ့ ကြေညာချက်အရ မင်းသား Lee Byung Hun ဟာ ကိုဗစ်ရောဂါ ကူးစက်ခံစားနေရတယ်လို့ ဆိုပါတယ်။
![](https://sanyitwine.com/wp-content/uploads/2022/02/lbh1.png)
“Lee Byung Hun ဟာ ဖေဖော်ဝါရီလ(၇)ရက်နေ့မှာပဲ ကိုဗစ်ကူးစက်ခံလိုက်ရပါတယ်။ အခုတော့ အိမ်မှာပဲ ကွာရန်တင်း နေထိုင်နေပါတယ်။ လက်ရှိမှာတော့ ကျန်းမာရေးနဲ့ ပတ်သက်ပြီး စိတ်ပူစရာမရှိပါဘူး … ” လို့ ကြေညာထားပြီး မင်းသားဟာ ကိုဗစ်ကာကွယ်ဆေး booster shot ထိုးပြီးသားလို့လည်း ဆိုပါတယ်။
မင်းသားဟာ အခုလို ကိုဗစ်ရောဂါ ကူးစက်ခံစားနေရတဲ့အတွက် သူရိုက်ကူးနေတဲ့ tvN ဒရာမာအသစ် Our Blues ကိုလည်း ရိုက်ကူးရေး ရပ်နားထားရတယ်လို့ သိရပါတယ်။
![](https://sanyitwine.com/wp-content/uploads/2022/02/lbh2.png)
ဒါ့အပြင် Lee Byung Hun ရဲ့ ဇနီးဖြစ်သူ သရုပ်ဆောင် Lee Min Jung ဟာလည်း အလားတူပဲ ကိုဗစ်ရောဂါ ကူးစက်ခံစားနေရတယ်လို့ သူမရဲ့ အေဂျင်စီ MSteam Entertainment က ထုတ်ပြန်ထားပါတယ်။ သူမကတော့ close contact ဖြစ်သွားတာကြောင့် သူမဘာသာ ကွာရန်တင်း နေထိုင်နေတာ ဖြစ်ပါတယ်။ အဲဒီနောက် ကိုဗစ် ဆေးစစ်ချက်အရ positive အဖြေထွက်လာတာကြောင့် နေအိမ်မှာပဲ ဆက်လက် ကွာရန်တင်း နေထိုင်နေတယ်လို့ သိရပါတယ်။
Glasgow
Source: soompi