ေအာက္တြင္ ေဇာ္ဂ်ီျဖင့္ ဖတ္ပါ။
ရွှေအိုရောင်ဆံနွယ်တွေနဲ့ ဂန္ထဝင်ဆန်ဆန် လှပတဲ့ မင်းသမီးချော Marilyn Monroe ဟာ ယနေ့အချိန်အထိ နာမည်ကျော်ကြားနေဆဲ ဖြစ်ပါတယ်။ သို့ပေမယ့် ငယ်ရွယ်ဆဲ၊ နုနယ်လှပဆဲ၊ အောင်မြင်မှုတွေ ဝေဆာနေဆဲ အချိန်မှာပဲ သူမဟာ လောကကြီးကနေ ရုတ်တရက် ထွက်ခွာသွားခဲ့ပါတယ်။ အခုဆိုရင် သူမ ကွယ်လွန်သွားခဲ့တာ နှစ်ပေါင်း ခြောက်ဆယ်ရှိတော့မှာ ဖြစ်ပေမယ့် သူမရဲ့ သေဆုံးမှုကတော့ ယနေ့ထက်ထိ ပရိသတ်တွေကြား အမှတ်ရ လွမ်းဆွတ်နေကြဆဲ ဖြစ်ပါတယ်။
ကြေကွဲဖွယ်ရာ အဆုံးသတ်
၁၉၆၂ခုနှစ် ဩဂုတ်လ(၅)ရက်နေ့မှာတော့ ကယ်လီဖိုးနီးယားပြည်နယ်၊ Brentwood မြို့က ရဲစခန်းဆီကို အံ့ဩစရာ ဖုန်းတစ်ခု ဝင်လာခဲ့ပါတယ်။ အဲဒါကတော့ ကမ္ဘာနဲ့အဝှမ်းမှာ အောင်မြင်ကျော်ကြားလှတဲ့ Marilyn Monroe ဟာ အသက်(၃၆)နှစ်အရွယ်မှာပဲ သေဆုံးသွားပြီဆိုတဲ့သတင်း ဖြစ်ပါတယ်။
Monroe ရဲ့ အလောင်းကိုတော့ သူမရဲ့အိပ်ရာပေါ်မှာ ကိုယ်လုံးတီး အနေအထားနဲ့ တွေ့ခဲ့ရတာဖြစ်ပြီး လက်တစ်ဖက်က တယ်လီဖုန်းကို ကိုင်ထားတယ်လို့ ဆိုပါတယ်။ သူမရဲ့နံဘေးမှာတော့ ပျံ့ကျဲနေတဲ့ အိပ်ဆေးပုလင်းခွံတွေက နေရာယူထားပါတယ်။ သူမရဲ့ရုပ်အလောင်းကိုတော့ အိမ်အကူဖြစ်သူက အရင်ဆုံး တွေ့ရှိခဲ့တာပါ။
သူမရဲ့ သေဆုံးမှုဟာ ကိုယ့်ကိုယ်ကို သေကြောင်းကြံစည်မှု ဖြစ်နိုင်တယ်လို့ ထုတ်ပြန်ခဲ့ပေမယ့် သူမရဲ့ ပရိသတ်တွေကတော့ ဒါဟာ မဖြစ်နိုင်ဘူးလို့ ထင်ခဲ့ကြပြီး သူမ တကယ် ဘာဖြစ်သွားတာလည်းဆိုတာကို မေးခွန်းတွေ ထုတ်ခဲ့ကြပါတယ်။ ဒါကြောင့်လည်း အဲဒီနောက်ပိုင်းကစလို့ သူမရဲ့ သေဆုံးမှုနဲ့ ပတ်သက်ပြီး ကောလာဟလပေါင်းများစွာ ထွက်ပေါ်ခဲ့တာ ဖြစ်ပါတယ်။
လျှို့ဝှက်ဒိုင်ယာရီတစ်ခု ရှိခဲ့သလား ?
Monroe သေဆုံးမှုနဲ့ ပတ်သက်ပြီး ပဟေဠိများစွာထဲက ထူးခြားတဲ့တစ်ခုကတော့ သူမမှာ လျှို့ဝှက်ဒိုင်ယာရီ စာအုပ်တစ်အုပ် ထားရှိခဲ့တယ်ဆိုတဲ့ အကြောင်းပါပဲ။ တချို့ကတော့ အဆိုပါ စာအုပ်ထဲမှာ နိုင်ငံရေးနဲ့ ပတ်သက်တဲ့ အံ့ဩလောက်စရာ လျှို့ဝှက်ချက်တွေ ပါရှိနေနိုင်တယ်လို့ ဆိုပါတယ်။
ဥပမာအနေနဲ့ ပြောရရင် Monroe ဟာ အမေရိကန်သမ္မတ John F. Kennedy နဲ့ သူ့ရဲ့ညီအစ်ကို တော်စပ်သူ ရှေ့နေချုပ် Robert Kennedy တို့ နှစ်ယောက်လုံးနဲ့ ဖောက်ပြန်ခဲ့တယ်ဆိုတဲ့ လူတွေရဲ့ ယုံကြည်ချက်ကို တလျှောက်လုံး သည်းခံ အံကြိတ်ခဲ့ရတယ်ဆိုတာမျိုး ဖြစ်ပါတယ်။ တချို့ကျပြန်တော့လည်း သူမရဲ့ ဒိုင်ယာရီစာအုပ်ဟာ လိပ်စာမှတ်တဲ့ စာအုပ်တစ်အုပ်မျှသာပဲလို့ ပြောကြတာလည်း ရှိပါတယ်။
ဒဏ်ရာရ နှလုံးသား
“တကယ်တော့ သူမဟာ သိပ် သိပ်ကို ကြံ့ကြံ့ခံနိုင်သူ တစ်ယောက်ပါ။ ဒါပေမယ့် သူမ အရွယ်ရောက်လာတာနဲ့အမျှ အဖေလုပ်သူကိုလည်း လိုက်ရှာခဲ့တယ်။ အမေလုပ်သူကိုလည်း လိုက်ရှာခဲ့တယ်။ သူ့ဘဝရဲ့ အဖြေတွေကိုလည်း လိုက်ရှာနေခဲ့တယ်။ ပြီးတော့ သူ ဘာကိုမှ ရှာမတွေ့ခဲ့ရှာပါဘူး … ” လို့ Monroe ရဲ့ ဓာတ်ပုံဆရာ Lawrence Schiller ကတော့ သူ သိတဲ့ Monroe ရဲ့ စိတ်ခံစားချက်အချို့ကို ပြောပြထားဖူးပါတယ်။
အတက်အကျများလွန်းတဲ့ ဘဝခရီး
Monroe ဟာ ၁၉၅၀ခုနှစ်နဲ့ ၁၉၆၀ခုနှစ်ကြားကာလမှာ ဟောလိဝုဒ်ရဲ့ နာမည်အကြီးဆုံး မင်းသမီးတစ်လက် ဖြစ်ခဲ့ပြီး အဲဒီအချိန်က ဆွဲဆောင်မှုအပြင်းထန်ဆုံး သင်္ကေတအဖြစ်တောင် သတ်မှတ်ခံခဲ့ရသူ ဖြစ်ပါတယ်။ ဒါတင်မက သူမဟာ ဆယ်စုနှစ်တစ်ခုစာလောက် ကြေးအမြင့်ဆုံး ရရှိခဲ့တဲ့ ထိပ်တန်း မင်းသမီးတစ်လက် ဖြစ်ပြီး သူမ ရုပ်ရှင်ကားတွေရဲ့ ဝင်ငွေစုစုပေါင်းဟာ ဒေါ်လာသန်း(၂၀၀)ခန့် ရှိခဲ့ပါတယ်။ ဒါဟာ ဒီနေ့ခေတ် ငွေတန်ဖိုးနဲ့ တွက်မယ်ဆိုရင် ဒေါ်လာ(၂)ဘီလျံလောက်နဲ့ ညီမျှတယ်လို့လည်း ဆိုပါတယ်။
သူမဟာ ခန့်မှန်းချေ ရုပ်ရှင်(၃၇)ကားခန့် ရိုက်ကူးခဲ့ပြီး သူမရဲ့ နာမည်အကြီးဆုံး ရုပ်ရှင်ဇာတ်ကားတွေကတော့ Some Like It Hot ၊ Gentlemen Prefer Blondes ၊ The Seven Year Itch ၊ Niagara ၊ River of No Return စတဲ့ ဇာတ်ကားတွေပဲ ဖြစ်ပါတယ်။
သူမဟာ တစ်ဘက်မှာ ဟုန်းဟုန်းတောက် အောင်မြင်နေသလို တစ်ဘက်မှာတော့ သူမရဲ့ စိတ်ကျန်းမာရေး အခြေအနေဟာ တရိပ်ရိပ် ကျဆင်းနေခဲ့ပါတယ်။ Monroe ဟာ စိတ်ကျရောဂါသာမက စိတ်ပူပန်လွန်းတာ၊ ထိတ်လန့်ကြောက်ရွံ့မှုတွေ ခံစားရတာ၊ မကြာခဏ စိတ်ခံစားချက်တွေ ပြောင်းလဲတာ၊ မိမိကိုယ့်ကို ယုံကြည်မှု ပျောက်ဆုံးတာနဲ့ ပြင်းထန်လွန်းတဲ့ ညအိပ်မပျော်နိုင်တဲ့ ရောဂါတွေပါ ခံစားခဲ့ရသူ ဖြစ်ပါတယ်။ ဒါတွေဟာ မူးယစ်ဆေးဝါးနဲ့ အရက်ကို အလွန်အကျွံ မှီဝဲရာက ရရှိလာတဲ့ ဘေးထွက်ဆိုးကျိုးတွေလည်း ဖြစ်ပါတယ်။
Monroe ဟာ ပရိသတ်တွေကြား တခဲနက် အားပေးမှု ရရှိပြီး တရှိန်ထိုး အောင်မြင်လာခဲ့ပေမယ့် တစ်ဘက်မှာတော့ ပရော်ဖက်ရှင်နယ် မဆန်မှုတွေကြောင့် ရုပ်ရှင်စတူဒီယိုတွေနဲ့ မျက်နှာပျက်စရာတွေ ဖြစ်လာခဲ့ပါတယ်။ အဲဒါကတော့ သူမကြောင့် ရုပ်ရှင်ရိုက်ကူးရေးကို ရွှေ့ဆိုင်းရတာ၊ သူမ ပြောရမယ့် ဒိုင်ယာလော့ခ်တွေကို မေ့တာ စသဖြင့် အလုပ်မတွင်မှုတွေ ဖြစ်လာတာပါပဲ။ ဒါဟာ သူမရဲ့ မူးယစ်ဆေး သုံးစွဲမှုကြောင့် ဖြစ်လာတဲ့ ဘေးထွက်ဆိုးကျိုးတစ်ခု ဖြစ်ပြီး တဖြည်းဖြည်းနဲ့ အလုပ်လုပ်ရခက်တဲ့ လူတစ်ယောက်အဖြစ် စတူဒီယိုတွေကြားမှာ နာမည်ထိခိုက်လာခဲ့ပါတယ်။
ဒါကပဲ သူမရဲ့ အောင်မြင်မှုတွေကို ဇောက်ထိုး ကျဆင်းစေခဲ့တဲ့ အကြောင်းရင်းဖြစ်ပြီး သူမ မသေဆုံးခင် နှစ်အနည်းငယ်ခန့် အလိုမှာ နာမည်ကြီး ရုပ်ရှင်စတူဒီယိုတွေဟာ သူမနဲ့ ရုပ်ရှင်ရိုက်ကူးဖို့ ငြင်းပယ်တာတွေအထိ ဖြစ်လာပါတော့တယ်။ ၁၉၆၀ခုနှစ်မှာ ထွက်ရှိခဲ့တဲ့ Let’s Make Love နဲ့ ၁၉၆၁ ခုနှစ်မှာ ထွက်ရှိခဲ့တဲ့ The Misfits ရုပ်ရှင်နှစ်ကားဟာ သူမရဲ့ နောက်ဆုံး ရုပ်ရှင်ကားတွေ ဖြစ်ပြီး ရုပ်ရှင်ဝေဖန်ရေးသမားတွေရဲ့ ပက်ပက်စက်စက် ဝေဖန်မှုတွေ ရရှိခဲ့သလို ဝင်ငွေအရလည်း ရှုံးခဲ့ပါတယ်။
Monroe ဟာ တရားဝင် အိမ်ထောင်သုံးဆက် ရှိခဲ့ဖူးတဲ့ မင်းသမီးတစ်လက် ဖြစ်ပါတယ်။ ၁၉၄၂ခုနှစ်မှ ၁၉၄၆ခုနှစ်အထိ အမေရိကန် ရဲအရာရှိ James Dougherty နဲ့ ပေါင်းသင်းခဲ့ပြီး ၁၉၅၄ခုနှစ်မှ ၁၉၅၅ခုနှစ်အထိ အမေရိကန် ဘေ့စ်ဘောကစားသမား Joe DiMaggio နဲ့ ပေါင်းသင်းခဲ့ပါတယ်။ သူမရဲ့ တတိယမြောက်နဲ့ နောက်ဆုံး ခင်ပွန်းကတော့ Arthur Miller ဖြစ်ပြီး ပြဇာတ်ရေးဆရာတစ်ယောက် ဖြစ်ကာ ၁၉၅၆ခုနှစ်မှ ၁၉၆၁ခုနှစ်အထိ ပေါင်းသင်းခဲ့ပါတယ်။
နောက်ဆက်တွဲသီအိုရီများ
ရဲမှုခင်း စစ်ဆေးချက်တွေအရ Monroe ဟာ ဆေးလွန်ပြီး သေဆုံးခဲ့ရတာ ဖြစ်ပြီး သူမရဲ့ရုပ်အလောင်းမှာလည်း ပွန်းပဲ့ဒဏ်ရာ၊ ထိုးသွင်းဒဏ်ရာ စသဖြင့် မသင်္ကာစရာ တစုံတရာမှ မတွေ့ရှိခဲ့ရဘူးလို့ ဆိုပါတယ်။ သို့ပေမယ့်လည်း သူမ သေဆုံးပြီး နောက်ပိုင်းနှစ်တွေကျမှ သီအိုရီတွေ တစ်ခုပြီးတစ်ခု ထွက်ရှိလာပါတယ်။ အဲဒါကတော့ Monroe ဟာ သူမဘာသာ သတ်သေသွားခဲ့တာ မဟုတ်ဘဲ အသတ်ခံခဲ့ရတာဆိုတဲ့ ယူဆချက်တွေပဲ ဖြစ်ပါတယ်။
အဆိုပါ ယူဆချက် သီအိုရီတွေကတော့ အမေရိကန်သမ္မတ John F. Kennedy နဲ့ သူ့ရဲ့ညီအစ်ကိုတော်စပ်သူ Robert Kennedy အပါအဝင် အမေရိကန် အလုပ်သမားသမဂ္ဂခေါင်းဆောင် Jimmy Hoffa နဲ့ နာမည်ကြီး လူဆိုးဂိုဏ်းခေါင်းဆောင် Sam Giancana တို့နဲ့ ပတ်သက်နေတာ ဖြစ်ပါတယ်။ သီအိုရီအများစုကတော့ နိုင်ငံရေးနဲ့ ပတ်သက်နေပြီး Monroe ကြောင့် အရေးကြီးတဲ့ လျှို့ဝှက်အချက်အလက်တွေ မပေါက်ကြားရအောင် လုပ်ကြံတယ်ဆိုတာမျိုးတွေ ဖြစ်ပါတယ်။
တဖြည်းဖြည်းနဲ့ များပြား ဆူလောင်လာတဲ့ သီအိုရီ၊ ထင်ကြေးများစွာကြောင့် ၁၉၈၂ခုနှစ်မှာတော့ လော့စ်အိန်ဂျလိစ် ရှေ့နေရုံးက Monroe ရဲ့အမှုဖိုင်ကို ပြန်လည်စစ်ဆေးကြည့်ခဲ့ပြီး မူလ စစ်ဆေးချက်ရလဒ်တွေနဲ့ ငြင်းပယ်ရလောက်အောင် ခိုင်မာတဲ့ အချက်အလက်မျိုး မတွေ့ခဲ့ရဘူးလို့ ဆိုပါတယ်။
မည်သို့ဆိုစေ သူမရဲ့ အလှနဲ့ ဂုဏ်သတင်းကတော့ နောက်နှစ်ပေါင်းများစွာအထိ ဆက်လက် သင်းပျံ့နေဦးမယ်ဆိုတာ အသေအချာပါပဲ။
Linda December
Source: people/ wiki
(Zawgyi Version)
ေ႐ႊအိုေရာင္ဆံႏြယ္ေတြနဲ႔ ဂႏၴဝင္ဆန္ဆန္ လွပတဲ့ မင္းသမီးေခ်ာ Marilyn Monroe ဟာ ယေန႔အခ်ိန္အထိ နာမည္ေက်ာ္ၾကားေနဆဲ ျဖစ္ပါတယ္။ သို႔ေပမယ့္ ငယ္႐ြယ္ဆဲ၊ ႏုနယ္လွပဆဲ၊ ေအာင္ျမင္မႈေတြ ေဝဆာေနဆဲ အခ်ိန္မွာပဲ သူမဟာ ေလာကႀကီးကေန ႐ုတ္တရက္ ထြက္ခြာသြားခဲ့ပါတယ္။ အခုဆိုရင္ သူမ ကြယ္လြန္သြားခဲ့တာ ႏွစ္ေပါင္း ေျခာက္ဆယ္ရွိေတာ့မွာ ျဖစ္ေပမယ့္ သူမရဲ႕ ေသဆုံးမႈကေတာ့ ယေန႔ထက္ထိ ပရိသတ္ေတြၾကား အမွတ္ရ လြမ္းဆြတ္ေနၾကဆဲ ျဖစ္ပါတယ္။
ေၾကကြဲဖြယ္ရာ အဆုံးသတ္
၁၉၆၂ခုႏွစ္ ဩဂုတ္လ(၅)ရက္ေန႔မွာေတာ့ ကယ္လီဖိုးနီးယားျပည္နယ္၊ Brentwood ၿမိဳ႕က ရဲစခန္းဆီကို အံ့ဩစရာ ဖုန္းတစ္ခု ဝင္လာခဲ့ပါတယ္။ အဲဒါကေတာ့ ကမာၻနဲ႔အဝွမ္းမွာ ေအာင္ျမင္ေက်ာ္ၾကားလွတဲ့ Marilyn Monroe ဟာ အသက္(၃၆)ႏွစ္အ႐ြယ္မွာပဲ ေသဆုံးသြားၿပီဆိုတဲ့သတင္း ျဖစ္ပါတယ္။
Monroe ရဲ႕ အေလာင္းကိုေတာ့ သူမရဲ႕အိပ္ရာေပၚမွာ ကိုယ္လုံးတီး အေနအထားနဲ႔ ေတြ႕ခဲ့ရတာျဖစ္ၿပီး လက္တစ္ဖက္က တယ္လီဖုန္းကို ကိုင္ထားတယ္လို႔ ဆိုပါတယ္။ သူမရဲ႕နံေဘးမွာေတာ့ ပ်ံ႕က်ဲေနတဲ့ အိပ္ေဆးပုလင္းခြံေတြက ေနရာယူထားပါတယ္။ သူမရဲ႕႐ုပ္အေလာင္းကိုေတာ့ အိမ္အကူျဖစ္သူက အရင္ဆုံး ေတြ႕ရွိခဲ့တာပါ။
သူမရဲ႕ ေသဆုံးမႈဟာ ကိုယ့္ကိုယ္ကို ေသေၾကာင္းႀကံစည္မႈ ျဖစ္ႏိုင္တယ္လို႔ ထုတ္ျပန္ခဲ့ေပမယ့္ သူမရဲ႕ ပရိသတ္ေတြကေတာ့ ဒါဟာ မျဖစ္ႏိုင္ဘူးလို႔ ထင္ခဲ့ၾကၿပီး သူမ တကယ္ ဘာျဖစ္သြားတာလည္းဆိုတာကို ေမးခြန္းေတြ ထုတ္ခဲ့ၾကပါတယ္။ ဒါေၾကာင့္လည္း အဲဒီေနာက္ပိုင္းကစလို႔ သူမရဲ႕ ေသဆုံးမႈနဲ႔ ပတ္သက္ၿပီး ေကာလာဟလေပါင္းမ်ားစြာ ထြက္ေပၚခဲ့တာ ျဖစ္ပါတယ္။
လွ်ိဳ႕ဝွက္ဒိုင္ယာရီတစ္ခု ရွိခဲ့သလား ?
Monroe ေသဆုံးမႈနဲ႔ ပတ္သက္ၿပီး ပေဟဠိမ်ားစြာထဲက ထူးျခားတဲ့တစ္ခုကေတာ့ သူမမွာ လွ်ိဳ႕ဝွက္ဒိုင္ယာရီ စာအုပ္တစ္အုပ္ ထားရွိခဲ့တယ္ဆိုတဲ့ အေၾကာင္းပါပဲ။ တခ်ိဳ႕ကေတာ့ အဆိုပါ စာအုပ္ထဲမွာ ႏိုင္ငံေရးနဲ႔ ပတ္သက္တဲ့ အံ့ဩေလာက္စရာ လွ်ိဳ႕ဝွက္ခ်က္ေတြ ပါရွိေနႏိုင္တယ္လို႔ ဆိုပါတယ္။
ဥပမာအေနနဲ႔ ေျပာရရင္ Monroe ဟာ အေမရိကန္သမၼတ John F. Kennedy နဲ႔ သူ႔ရဲ႕ညီအစ္ကို ေတာ္စပ္သူ ေရွ႕ေနခ်ဳပ္ Robert Kennedy တို႔ ႏွစ္ေယာက္လုံးနဲ႔ ေဖာက္ျပန္ခဲ့တယ္ဆိုတဲ့ လူေတြရဲ႕ ယုံၾကည္ခ်က္ကို တေလွ်ာက္လုံး သည္းခံ အံႀကိတ္ခဲ့ရတယ္ဆိုတာမ်ိဳး ျဖစ္ပါတယ္။ တခ်ိဳ႕က်ျပန္ေတာ့လည္း သူမရဲ႕ ဒိုင္ယာရီစာအုပ္ဟာ လိပ္စာမွတ္တဲ့ စာအုပ္တစ္အုပ္မွ်သာပဲလို႔ ေျပာၾကတာလည္း ရွိပါတယ္။
ဒဏ္ရာရ ႏွလုံးသား
“တကယ္ေတာ့ သူမဟာ သိပ္ သိပ္ကို ႀကံ့ႀကံ့ခံႏိုင္သူ တစ္ေယာက္ပါ။ ဒါေပမယ့္ သူမ အ႐ြယ္ေရာက္လာတာနဲ႔အမွ် အေဖလုပ္သူကိုလည္း လိုက္ရွာခဲ့တယ္။ အေမလုပ္သူကိုလည္း လိုက္ရွာခဲ့တယ္။ သူ႔ဘဝရဲ႕ အေျဖေတြကိုလည္း လိုက္ရွာေနခဲ့တယ္။ ၿပီးေတာ့ သူ ဘာကိုမွ ရွာမေတြ႕ခဲ့ရွာပါဘူး … ” လို႔ Monroe ရဲ႕ ဓာတ္ပုံဆရာ Lawrence Schiller ကေတာ့ သူ သိတဲ့ Monroe ရဲ႕ စိတ္ခံစားခ်က္အခ်ိဳ႕ကို ေျပာျပထားဖူးပါတယ္။
အတက္အက်မ်ားလြန္းတဲ့ ဘဝခရီး
Monroe ဟာ ၁၉၅၀ခုႏွစ္နဲ႔ ၁၉၆၀ခုႏွစ္ၾကားကာလမွာ ေဟာလိဝုဒ္ရဲ႕ နာမည္အႀကီးဆုံး မင္းသမီးတစ္လက္ ျဖစ္ခဲ့ၿပီး အဲဒီအခ်ိန္က ဆြဲေဆာင္မႈအျပင္းထန္ဆုံး သေကၤတအျဖစ္ေတာင္ သတ္မွတ္ခံခဲ့ရသူ ျဖစ္ပါတယ္။ ဒါတင္မက သူမဟာ ဆယ္စုႏွစ္တစ္ခုစာေလာက္ ေၾကးအျမင့္ဆုံး ရရွိခဲ့တဲ့ ထိပ္တန္း မင္းသမီးတစ္လက္ ျဖစ္ၿပီး သူမ ႐ုပ္ရွင္ကားေတြရဲ႕ ဝင္ေငြစုစုေပါင္းဟာ ေဒၚလာသန္း(၂၀၀)ခန႔္ ရွိခဲ့ပါတယ္။ ဒါဟာ ဒီေန႔ေခတ္ ေငြတန္ဖိုးနဲ႔ တြက္မယ္ဆိုရင္ ေဒၚလာ(၂)ဘီလ်ံေလာက္နဲ႔ ညီမွ်တယ္လို႔လည္း ဆိုပါတယ္။
သူမဟာ ခန႔္မွန္းေခ် ႐ုပ္ရွင္(၃၇)ကားခန႔္ ႐ိုက္ကူးခဲ့ၿပီး သူမရဲ႕ နာမည္အႀကီးဆုံး ႐ုပ္ရွင္ဇာတ္ကားေတြကေတာ့ Some Like It Hot ၊ Gentlemen Prefer Blondes ၊ The Seven Year Itch ၊ Niagara ၊ River of No Return စတဲ့ ဇာတ္ကားေတြပဲ ျဖစ္ပါတယ္။
သူမဟာ တစ္ဘက္မွာ ဟုန္းဟုန္းေတာက္ ေအာင္ျမင္ေနသလို တစ္ဘက္မွာေတာ့ သူမရဲ႕ စိတ္က်န္းမာေရး အေျခအေနဟာ တရိပ္ရိပ္ က်ဆင္းေနခဲ့ပါတယ္။ Monroe ဟာ စိတ္က်ေရာဂါသာမက စိတ္ပူပန္လြန္းတာ၊ ထိတ္လန႔္ေၾကာက္႐ြံ႕မႈေတြ ခံစားရတာ၊ မၾကာခဏ စိတ္ခံစားခ်က္ေတြ ေျပာင္းလဲတာ၊ မိမိကိုယ့္ကို ယုံၾကည္မႈ ေပ်ာက္ဆုံးတာနဲ႔ ျပင္းထန္လြန္းတဲ့ ညအိပ္မေပ်ာ္ႏိုင္တဲ့ ေရာဂါေတြပါ ခံစားခဲ့ရသူ ျဖစ္ပါတယ္။ ဒါေတြဟာ မူးယစ္ေဆးဝါးနဲ႔ အရက္ကို အလြန္အကြၽံ မွီဝဲရာက ရရွိလာတဲ့ ေဘးထြက္ဆိုးက်ိဳးေတြလည္း ျဖစ္ပါတယ္။
Monroe ဟာ ပရိသတ္ေတြၾကား တခဲနက္ အားေပးမႈ ရရွိၿပီး တရွိန္ထိုး ေအာင္ျမင္လာခဲ့ေပမယ့္ တစ္ဘက္မွာေတာ့ ပေရာ္ဖက္ရွင္နယ္ မဆန္မႈေတြေၾကာင့္ ႐ုပ္ရွင္စတူဒီယိုေတြနဲ႔ မ်က္ႏွာပ်က္စရာေတြ ျဖစ္လာခဲ့ပါတယ္။ အဲဒါကေတာ့ သူမေၾကာင့္ ႐ုပ္ရွင္႐ိုက္ကူးေရးကို ေ႐ႊ႕ဆိုင္းရတာ၊ သူမ ေျပာရမယ့္ ဒိုင္ယာေလာ့ခ္ေတြကို ေမ့တာ စသျဖင့္ အလုပ္မတြင္မႈေတြ ျဖစ္လာတာပါပဲ။
ဒါဟာ သူမရဲ႕ မူးယစ္ေဆး သုံးစြဲမႈေၾကာင့္ ျဖစ္လာတဲ့ ေဘးထြက္ဆိုးက်ိဳးတစ္ခု ျဖစ္ၿပီး တျဖည္းျဖည္းနဲ႔ အလုပ္လုပ္ရခက္တဲ့ လူတစ္ေယာက္အျဖစ္ စတူဒီယိုေတြၾကားမွာ နာမည္ထိခိုက္လာခဲ့ပါတယ္။ ဒါကပဲ သူမရဲ႕ ေအာင္ျမင္မႈေတြကို ေဇာက္ထိုး က်ဆင္းေစခဲ့တဲ့ အေၾကာင္းရင္းျဖစ္ၿပီး သူမ မေသဆုံးခင္ ႏွစ္အနည္းငယ္ခန႔္ အလိုမွာ နာမည္ႀကီး ႐ုပ္ရွင္စတူဒီယိုေတြဟာ သူမနဲ႔ ႐ုပ္ရွင္႐ိုက္ကူးဖို႔ ျငင္းပယ္တာေတြအထိ ျဖစ္လာပါေတာ့တယ္။ ၁၉၆၀ခုႏွစ္မွာ ထြက္ရွိခဲ့တဲ့ Let’s Make Love နဲ႔ ၁၉၆၁ ခုႏွစ္မွာ ထြက္ရွိခဲ့တဲ့ The Misfits ႐ုပ္ရွင္ႏွစ္ကားဟာ သူမရဲ႕ ေနာက္ဆုံး ႐ုပ္ရွင္ကားေတြ ျဖစ္ၿပီး ႐ုပ္ရွင္ေဝဖန္ေရးသမားေတြရဲ႕ ပက္ပက္စက္စက္ ေဝဖန္မႈေတြ ရရွိခဲ့သလို ဝင္ေငြအရလည္း ရႈံးခဲ့ပါတယ္။
Monroe ဟာ တရားဝင္ အိမ္ေထာင္သုံးဆက္ ရွိခဲ့ဖူးတဲ့ မင္းသမီးတစ္လက္ ျဖစ္ပါတယ္။ ၁၉၄၂ခုႏွစ္မွ ၁၉၄၆ခုႏွစ္အထိ အေမရိကန္ ရဲအရာရွိ James Dougherty နဲ႔ ေပါင္းသင္းခဲ့ၿပီး ၁၉၅၄ခုႏွစ္မွ ၁၉၅၅ခုႏွစ္အထိ အေမရိကန္ ေဘ့စ္ေဘာကစားသမား Joe DiMaggio နဲ႔ ေပါင္းသင္းခဲ့ပါတယ္။ သူမရဲ႕ တတိယေျမာက္နဲ႔ ေနာက္ဆုံး ခင္ပြန္းကေတာ့ Arthur Miller ျဖစ္ၿပီး ျပဇာတ္ေရးဆရာတစ္ေယာက္ ျဖစ္ကာ ၁၉၅၆ခုႏွစ္မွ ၁၉၆၁ခုႏွစ္အထိ ေပါင္းသင္းခဲ့ပါတယ္။
ေနာက္ဆက္တြဲသီအိုရီမ်ား
ရဲမႈခင္း စစ္ေဆးခ်က္ေတြအရ Monroe ဟာ ေဆးလြန္ၿပီး ေသဆုံးခဲ့ရတာ ျဖစ္ၿပီး သူမရဲ႕႐ုပ္အေလာင္းမွာလည္း ပြန္းပဲ့ဒဏ္ရာ၊ ထိုးသြင္းဒဏ္ရာ စသျဖင့္ မသကၤာစရာ တစုံတရာမွ မေတြ႕ရွိခဲ့ရဘူးလို႔ ဆိုပါတယ္။ သို႔ေပမယ့္လည္း သူမ ေသဆုံးၿပီး ေနာက္ပိုင္းႏွစ္ေတြက်မွ သီအိုရီေတြ တစ္ခုၿပီးတစ္ခု ထြက္ရွိလာပါတယ္။ အဲဒါကေတာ့ Monroe ဟာ သူမဘာသာ သတ္ေသသြားခဲ့တာ မဟုတ္ဘဲ အသတ္ခံခဲ့ရတာဆိုတဲ့ ယူဆခ်က္ေတြပဲ ျဖစ္ပါတယ္။
အဆိုပါ ယူဆခ်က္ သီအိုရီေတြကေတာ့ အေမရိကန္သမၼတ John F. Kennedy နဲ႔ သူ႔ရဲ႕ညီအစ္ကိုေတာ္စပ္သူ Robert Kennedy အပါအဝင္ အေမရိကန္ အလုပ္သမားသမဂၢေခါင္းေဆာင္ Jimmy Hoffa နဲ႔ နာမည္ႀကီး လူဆိုးဂိုဏ္းေခါင္းေဆာင္ Sam Giancana တို႔နဲ႔ ပတ္သက္ေနတာ ျဖစ္ပါတယ္။ သီအိုရီအမ်ားစုကေတာ့ ႏိုင္ငံေရးနဲ႔ ပတ္သက္ေနၿပီး Monroe ေၾကာင့္ အေရးႀကီးတဲ့ လွ်ိဳ႕ဝွက္အခ်က္အလက္ေတြ မေပါက္ၾကားရေအာင္ လုပ္ႀကံတယ္ဆိုတာမ်ိဳးေတြ ျဖစ္ပါတယ္။
တျဖည္းျဖည္းနဲ႔ မ်ားျပား ဆူေလာင္လာတဲ့ သီအိုရီ၊ ထင္ေၾကးမ်ားစြာေၾကာင့္ ၁၉၈၂ခုႏွစ္မွာေတာ့ ေလာ့စ္အိန္ဂ်လိစ္ ေရွ႕ေန႐ုံးက Monroe ရဲ႕အမႈဖိုင္ကို ျပန္လည္စစ္ေဆးၾကည့္ခဲ့ၿပီး မူလ စစ္ေဆးခ်က္ရလဒ္ေတြနဲ႔ ျငင္းပယ္ရေလာက္ေအာင္ ခိုင္မာတဲ့ အခ်က္အလက္မ်ိဳး မေတြ႕ခဲ့ရဘူးလို႔ ဆိုပါတယ္။
မည္သို႔ဆိုေစ သူမရဲ႕ အလွနဲ႔ ဂုဏ္သတင္းကေတာ့ ေနာက္ႏွစ္ေပါင္းမ်ားစြာအထိ ဆက္လက္ သင္းပ်ံ႕ေနဦးမယ္ဆိုတာ အေသအခ်ာပါပဲ။
Linda December
Source: people/ wiki