ကေပေါ့ပ်လောကထဲကို ကြည့်လိုက်မယ်ဆိုရင်တော့ လူတိုင်းက ငေးလောက်ချင်စရာ visual တွေနဲ့ ချောမောနေကြသူတွေချည်းပါပဲ။ Idol တစ်ယောက်ချင်းစီဟာ သူ့ရဲ့ကိုယ်ပိုင်ပုံစံနဲ့ ဆွဲဆောင်မှုတွေ ပိုင်ဆိုင်ထားကြပေမယ့် မကြာသေးခင်ကပဲ Insight Korea က သဘာဝအတိုင်း ချောမောလှပနေတဲ့ အမျိုးသား Idol (၁၀)ယောက်ကို စာရင်းပြုစုပေးလိုက်ပါတယ်။ ဘာမှပြုပြင်ထားခြင်းမရှိဘဲ သဘာဝ မျက်နှာပြောင်လေးအတိုင်းကိုက ချောမောပြီး ဆွဲဆောင်မှုရှိလွန်းနေတဲ့ သူတို့(၁၀)ယောက်ကတော့ ….
(၁၀) WINNER အဖွဲ့က Jinwoo
![](https://sanyitwine.com/wp-content/uploads/2020/03/jw.png)
အမည်ရင်းက Kim Jin-woo ဖြစ်ပြီး Jinwoo ၊ ဒါမှမဟုတ် Jinu ဆိုတဲ့ နာမည်အတိုကောက်လေးနဲ့ ပိုပြီးလူသိများပါတယ်။ မွေးနေ့ကတော့ ၁၉၉၁ခုနှစ် စက်တင်ဘာလ(၂၆)ရက် ဖြစ်ပါတယ်။ အသက်(၂၈)နှစ်လို့ ထင်ရက်စရာ လုံးဝမရှိတဲ့ ချစ်စရာ လူချောလေးရဲ့ အရပ်ကတော့ (၁.၇၇)မီတာ ရှိပါတယ်။
(၉) NU’EST အဖွဲ့က Jonghyun
![](https://sanyitwine.com/wp-content/uploads/2020/03/jh.png)
NU’EST အဖွဲ့ရဲ့ အဖွဲ့ခေါင်းဆောင်ဖြစ်တဲ့ Jonghyun ကတော့ JR ဆိုတဲ့နာမည်နဲ့ ပိုပြီးလူသိများပါတယ်။ ၁၉၉၅ခုနှစ် ဇွန်လ(၈)ရက်နေ့မှာ မွေးဖွားခဲ့လို့ အသက်(၂၄)နှစ်ရှိပါပြီ။ အရပ်ကတော့ (၁.၇၆)မီတာ ရှိပါတယ်။
(၈) Wanna One ရဲ့ Jinyoung
![](https://sanyitwine.com/wp-content/uploads/2020/03/wo.png)
အမည်ရင်းက Bae Jinyoung ဖြစ်ပြီး Wanna One ရဲ့အဖွဲ့ဝင်ဟောင်းပါ။ လက်ရှိမှာတော့ CIX အဖွဲ့ရဲ့ အဖွဲ့ဝင်တစ်ယောက်လည်း ဖြစ်ပါတယ်။ ၂၀၀၀ခုနှစ် မေလ(၁၀)ရက်မှာ မွေးဖွားခဲ့တာဖြစ်လို့ အသက်(၁၉)နှစ်ပဲ ရှိသေးတဲ့ ခေးလေးလည်း ဖြစ်ပါတယ်။ အရပ်ကတော့ (၁.၇၈)မီတာ ရှိပါတယ်။
(၇) SHINee အဖွဲ့က Taemin
![](https://sanyitwine.com/wp-content/uploads/2020/03/tm.png)
နာမည်ရင်း Lee Taemin ဖြစ်ပြီး အသက်(၁၄)နှစ်တည်းက SHINee နဲ့ပွဲထွက်ခဲ့သူပါ။ အရပ်(၁.၇၅)မီတာရှိပြီး ၁၉၉၃ခုနှစ် ဇူလိုင်လ(၁၈)ရက်နေ့မှာ မွေးဖွားခဲ့ပါတယ်။ ကိုရီးယားနိုင်ငံရဲ့ ရောင်းအားအကောင်းဆုံး Artist တွေိထဲမှာ ပါဝင်တဲ့ Taemin ကတော့ အသက်(၂၆)နှစ်သာ ရှိပါသေးတယ်။
(၆) EXO အဖွဲ့က Baekhyun
![](https://sanyitwine.com/wp-content/uploads/2020/03/bbk.png)
နာမည်အရင်းကတော့ Byun Baekhyun ဖြစ်ပြီး Baekhyun လို့ပဲ အခေါ်များကြပါတယ်။ ကလေးလေးတစ်ယောက်လို အပြစ်ကင်းစင်ပြီး ချောမောလွန်းတဲ့ ရုပ်ရည်ကို ပိုင်ဆိုင်ထားတာကြောင့် နှုတ်ခမ်းနီမလေးတွေရဲ့ အသည်းစွဲဆိုလည်း မမှားပါဘူး။ ၁၉၉၂ခုနှစ် မေလ(၆)ရက်နေ့မှာ မွေးဖွားတာကြောင့် အသက်(၂၇)နှစ်ရှိပါပြီ။ အရပ်ကတော့ (၁.၇၄)မီတာ ရှိပါတယ်။
(၅) SEVENTEEN အဖွဲ့က Wonwoo
![](https://sanyitwine.com/wp-content/uploads/2020/03/ww.png)
Wonwoo ဟာ ၁၉၉၆ခုနှစ် ဇူလိုင်လ(၁၇)ရက်နေ့မှာ မွေးဖွားပြီး မိန်းကလေးတွေရဲ့ အချစ်တော် Idol တစ်ယောက်ပါ။ နာမည်အရင်းကတော့ Jeon Wonwoo ဖြစ်ပြီး အရပ်ကတော့ (၁.၈၂)မီတာရှိပါတယ်။ အပြင်ပန်းပုံစံကိုကြည့်လိုက်ရင် အေးတိအေးစက်လို့ ထင်ရပေမယ့် တကယ်တော့ အဖွဲ့ထဲမှာ အပျော်တတ်ဆုံးပါ။
(၄) ASTRO အဖွဲ့က Eunwoo
![](https://sanyitwine.com/wp-content/uploads/2020/03/ew1.png)
ASTRO အဖွဲ့ထဲက အချောလေးတစ်ယောက်ကတော့ Eunwoo လို့ အခေါ်များကြတဲ့ Cha Eunwoo ဖြစ်ပါတယ်။ နာမည်အရင်းကတော့ Lee Dong-min ပါ။ ၁၉၉၇ခုနှစ် မတ်လ(၃၀)ရက်နေ့မှာ မွေးဖွားလို့ အသက်ကတော့ (၂၂)နှစ်ရှိပါပြီ။ အပြုံးချိုချိုလေးနဲ့ Eunwoo ဟာ အရပ်ကတော့ (၁.၈၃)မီတာ ရှိပါတယ်။
(၃) GOT7 အဖွဲ့က Jinyoung
![](https://sanyitwine.com/wp-content/uploads/2020/03/jy.png)
အမည်ရင်းမှာ Park Jinyoung ဖြစ်ပြီး ၁၉၉၄ခုနှစ် စက်တင်ဘာလ(၂၂)ရက်နေ့မှာ မွေးဖွားခဲ့ပါတယ်။ GOT7 အဖွဲ့ဝင်တစ်ယောက်သာမက နှစ်ယောက်တွဲ boy band ဖြစ်တဲ့ JJ Project မှာလည်း ပါဝင်ပါတယ်။ အသက်ကတော့ (၂၅)နှစ်ရှိပြီဖြစ်ပြီး အရပ်ကတော့ (၁.၇၈)မီတာ ရှိပါတယ်။
(၂) NCT အဖွဲ့က Jungwoo
![](https://sanyitwine.com/wp-content/uploads/2020/03/jwww.png)
အမည်ရင်းကတော့ Kim Jungwoo ဖြစ်ပြီး NCT U နဲ့ NCT 127 unit တွေရဲ့ အဖွဲ့ဝင်ပါ။ ၁၉၉၈ခုနှစ် ဖေဖော်ဝါရီ(၁၉)ရက်နေ့မှာ မွေးဖွားတာဖြစ်လို့ (၂၂)နှစ်ရှိပါပြီ။ အရပ်ကတော့ (၁.၈)မီတာ ရှည်ပါတယ်။
(၁) BTS အဖွဲ့က Jungkook
![](https://sanyitwine.com/wp-content/uploads/2020/03/kgk.png)
အမည်ရင်းကတော့ Jeon Jungkook ဖြစ်ပြီး Jungkook လို့ပဲ အခေါ်များကြပါတယ်။ ၁၉၉၇ခုနှစ် စက်တင်ဘာလ(၁)ရက်နေ့မှာ မွေးဖွားတာဖြစ်လို့ အသက်ကတော့ (၂၂)နှစ် ရှိပါပြီ။ အရပ်ကတော့ (၁.၇၈)မီတာ ရှိပါတယ်။
ဒါကတော့ ပင်ကိုသဘာဝအတိုင်းကိုက ချောမောဆွဲဆောင်မှုရှိနေတဲ့ Idol အမျိုးသား(၁၀)ယောက် ဖြစ်ပါတယ်။ ဘယ်တစ်ယောက်က စာဖတ်သူတို့ အသည်းလည်းဆိုတာ ပြောခဲ့ပေးပါဦး။
Xei