Black Panther: Wakanda Forever ထဲမှာ Namor အနေနဲ့ ပါဝင်သရုပ်ဆောင်ခဲ့တဲ့ Tenoch Huerta ကိုတော့ Saxophone တီးမှုတ်သူ Maria Elena က လိင်အကြမ်းဖက်မှုနဲ့ စွပ်စွဲထားပါတယ်။
Tenoch ကတော့ Sin nombre ၊ Narcos: Mexico နဲ့ The Forever Purge ရုပ်ရှင်တွေမှာ ပါဝင်ခဲ့ပြီး Black Panther 2 ထဲမှာ သရုပ်ဆောင်ပြီးနောက်ပိုင်း ပိုမိုအောင်မြင်လာခဲ့သူ ဖြစ်ပါတယ်။ Tenoch ကိုတော့ ၂၀၂၅ ခုနှစ်မှာ ထွက်လာမယ့် Avengers: The Kang Dynasty မှာ Namor အဖြစ် ပြန်လည်ပါဝင်လာဖို့ မျှော်လင့်ထားကြပေမယ့်လည်း ယခုကိစ္စတွေ ဖြစ်လာတာကြောင့် အနာဂတ်ကတော့ မရေမရာ ဖြစ်နေပါတယ်။
မကြာသေးခင်ကပဲ Maria Elena ဆိုတဲ့အမျိုးသမီးက Tenoch ကို လိင်အကြမ်းဖက်မှုနဲ့ စွပ်စွဲခဲ့ကြောင်း မက္ကစီကို သတင်းဌာနတစ်ခုဖြစ်တဲ့ Reforma က ဖော်ပြခဲ့ပါတယ်။ ဒါ့အပြင် Maria ဟာ Poder Prieto ဆိုတဲ့ အဖွဲ့ဟာလည်း သူမကိုပေးရမယ့် ငွေကြေးတွေ မပေးဘူးလို့ စွပ်စွဲထားပါသေးတယ်။
Poder Prieto ကတော့ သရုပ်ဆောင်တွေ၊ မီဒီယာတွေနဲ့ နာမည်ကြီးတွေ စုပေါင်းထားတဲ့ အဖွဲ့တစ်ခုဖြစ်ပြီး Entertainment Industry အတွင်းက လူမျိုးရေးခွဲခြားမှုတွေကို တိုက်ဖျက်ဖို့ တည်ထောင်ထားတာ ဖြစ်ပါတယ်။ Tenoch ကလည်း ဒီအဖွဲ့ရဲ့ ပြောရေးဆိုခွင့်ရှိသူ ဖြစ်ပါတယ်။ ယခုအချိန်မှာတော့ Tenoch ဟာ လိင်အကြမ်းဖက်မှုနဲ့ စွပ်စွဲခံထားရတဲ့အပေါ် အင်စတာဂရမ်ကနေ ပြန်လည်တုံ့ပြန်ထားပါတယ်။
“ကျွန်တော့်ကို စွပ်စွဲထားတဲ့ မှားယွင်းပြီး သက်သေမရှိတဲ့ စွပ်စွဲချက်က တောမီးလိုပဲ ပြန့်သွားပါတယ်။ ဒါကို ဒီတိုင်းဆက်ပြီး ကြည့်မနေနိုင်တော့ပါဘူး။ လွန်ခဲ့တဲ့တစ်နှစ်လောက်က ကျွန်တော် Elena နဲ့ လအနည်းငယ် တွဲခဲ့ပါတယ်။ အဲဒီတုန်းက နှစ်ဦးသဘောတူပဲ တွဲခဲ့တာပါ။ ဒါကို တခြားလူတွေလည်း သက်သေခံပေးနိုင်ပါတယ်။ တွဲခဲ့တဲ့တစ်ချိန်လုံးမှာ ချစ်ခင်နွေးထွေးပြီး အပြန်အလှန် Support ဖြစ်တဲ့ Relationship ဖြစ်ခဲ့တာပါ။ ဒါပေမယ့် ကျွန်တော်တို့ ပြတ်ပြီးသွားတော့ Elena က ကျွန်တော့်ရဲ့ Private အချိန်မှာရော မိတ်ဆွေတွေရှေ့မှာပါ အနှောင့်အယှက်ပေးခဲ့ပါတယ် …”
“အဲဒါနဲ့ လွန်ခဲ့တဲ့ လအနည်းငယ်က ကျွန်တော်လည်း တာဝန်ရှိသူတွေဆီသွားပြီး ကျွန်တော့်ရဲ့ ဂုဏ်သတင်းကို ကာကွယ်ပေးဖို့ သင့်တော်တဲ့ လုပ်ဆောင်မှုတွေ လုပ်ပေးဖို့ တောင်းဆိုခဲ့ပါတယ်။ ပြီးတော့ ထိခိုက်မှုတွေအများကြီး ဖြစ်လာနိုင်တဲ့ မှားယွင်းတဲ့ စွပ်စွဲချက်တွေကိုရောပေါ့ …”
“ကျွန်တော်ကလည်း ပြီးပြည့်စုံနေတာတော့ မဟုတ်ပါဘူး။ ဒါပေမယ့် ဒီစွပ်စွဲချက်တွေကတော့ လုံးဝကို အမှန်မဟုတ်ပါဘူး။ ကျွန်တော့်ကိုယ်ကျွန်တော် တိုးတက်ဖို့ ကြိုးစားနေတဲ့အချိန်မှာ ဒီစွပ်စွဲချက်တွေက မှားယွင်းပြီး ကျွန်တော့်ကို စော်ကားသလို ဖြစ်နေတယ် ဆိုတာကိုတော့ သက်သေပြဖို့ လိုပါတယ် …”
“ပြီးတော့ အချက်အလက်တွေကို သေချာမကြည့်ဘဲ အလွယ်ကောက်ချက်ချတာမျိူး မလုပ်ခဲ့တဲ့ ကျွန်တော့်ကို Support ပေးနေတဲ့ မိသားစုတွေနဲ့ မိတ်ဆွေတွေအားလုံးကိုလည်း ကျေးဇူးတင်ပါတယ် …”
Tenoch ကတော့ ယခုလိုမျိူး လိင်အကြမ်းဖက်မှုနဲ့ စွပ်စွဲခံရတဲ့ ဒုတိယမြောက် MCU သရုပ်ဆောင်လည်း ဖြစ်ပါတယ်။ Kang နေရာမှာ သရုပ်ဆောင်ထားတဲ့ Jonathan Major ဟာလည်း မကြာသေးခင်ကပဲ လိင်အကြမ်းဖက်မှုနဲ့ တရားစွဲခံထားရပြီး သူ့ရဲ့အနာဂတ်ဟာလည်း မရေမရာဖြစ်နေပါတယ်။ Tenoch ကလည်း Jonathan Major လိုပဲ ဖြစ်လာပြီး သူတို့ရဲ့ အမှုကိစ္စဟာလည်း ရှင်းရှင်းလင်းလင်းတော့ မသိရသေးပါဘူး။
Legos
Source: Screenrant